Shqiptarët shtojnë kursimet në banka/ Banka e Shqipërisë: Depozitat u rritën në lekë dhe në valutë

Qytetarët dhe bizneset kanë shtuar kursimet në banka. Statistikat e Bankës së Shqipërisë konfirmojnë se gjatë muajit korrik ka pasur një përmirësim të nivelit të depozitave. Rritje të kursimeve janë shënuar në monedhën europiane por edhe në lekë. Gjatë korrikut depozitat në Euro arritën vlerën 7.6 miliardë euro nga 7.5 që ishin një muaj më parë duke u rritur me 100 milionë euro. Ky fenomen mund të lidhet edhe me fluksin e eurove që kanë hyrë në Shqipëri gjatë korrikut i cili njihet si piku i sezonit turistik. Po ashtu një ecuri pozitive kanë pasur edhe depozitat në lekë të cilat janë shtuar me 5.8 miliardë.

Po ashtu të dhënat e Bankës së Shqipërisë kanë konfirmuar një ecuri pozitive edhe në nivelin e kreditimit. Bizneset dhe qytetarët janë mbështetur me hua më tepër gjatë korrikut. Në total vlera e huasë arriti në 789.3 miliardë lekë. Nëse e krahasojmë me Korrikun e vitit të shkuar, huaja këtë vit rezulton 13.3% më e lartë, me një shtesë prej afërisht 93 miliardë lekësh.

NIVELI I KREDITIMIT