Dëshmorët e Atdheut nderohen sot për sakrificën e tyre sublime për të mbrojtur atdheun në kohë lufte.
Por në 5 maj shqiptarët përkulen me nderim edhe për të rënët në detyrë, policët, ushtarakët apo funksionarët e tjerë që kanë humbur jetën në krye të detyrës, për të mbrojtur rendin dhe sigurinë.
Politika kreu homazhet e përvitshme pranë memorialit “Nëna Shqipëri”.
Vrasja në 5 maj 1942 e Qemal Stafës, ish sekretari politik i të rinjve komunistë, në nderim të veprës së tij, është caktuar të jetë Dita e Dëshmorëve.
Sot në varrezat e dëshmorëve, prehen jo vetëm të rënët gjatë luftës së dytë botërore, por edhe heronjtë e demokracisë, si Azem Hajdari, policët e rënë në krye të detyrës ndër vite. Këtë status e gëzojnë edhe 4 të vrarët nga shteti në 21 janar 2011, protestues të cilët i shpallën “dëshmorë të atdheut” në vitin 2021.
