Lindita Nikolla
nev ila17:54 | 23/07/2019
Partia Socialiste ka mbledhur pasditen e sotme prej orës 16:00 Asamblenë Kombëtare. Në fokus janë zgjedhjet e 30 qershorit, por edhe ato brenda partisë që pritet të zhvillohen. Sipas kryeministrit, Partia Socialiste do të ketë ristrukturim vertikal dhe horizontal në gjithë strukturat e saj. Gjatë fjalës së mbajtur në këtë asamble, kryeministri Rama bëri me dije dhe propozimet për ndryshimet në krye të partisë socialiste për qarkun Shkodër, Lezhë dhe Tiranë.
“Kjo parti duhet ti takojë njerëzve shumë më shumë seç u ka takuar sepse njerëzit i dhanë kësaj partie mundësinë që të shënojë një tjetër moment për të qenë krenar në historinë e saj, 30 qershorin. Secili nga ju ka një detyrë dhe do të vlerësohet nga vetë procesi, dëshiroj që që tani të propozoj disa ndryshime, së pari në udhëheqjen e qarqeve, në qarkun e Shkodrës, qarkun do ta drejtojë kryetari i bashkisë Shkodër, Tiranën ta drejtojë Elisa Spiropali dhe Ervin Bushati. Qarkun e Lezhës ta drejtojë Sandër Lleshi. Ndërsa për Lindita Nikollën kam një tjetër propozim që do e diskutojmë më pas. Për sekretariatin kemi rënë dakord që të bëjmë disa axhustime të nevojshme”, tha Rama.
Deri më tani në krye të drejtimit të qarqeve të Shkodrës, Lezhës dhe Tiranës kanë qenë: Ditmir Bushati për Shkodrën, Blerina Gjylameti për Tiranën dhe për Lezhën, Lindita Nikolla./abcnews.al
ad min15:44 | 02/07/2019
Ish-ministrja e Arsimit, Lindita Nikolla, komentoi deklaratat që Presidenti i Republikës, Ilir Meta, zhvilloi këtë të martë. Ajo tha se kreu i shtetit kishte dalë jashtë ekuilibrit, ndryshe nga standardet që duhet të karakterizojnë figurën e tij si unitet i kombit.
Gjatë një bisede në studion e ABC News, Nikolla tha se Meta vazhdoi akoma me thirrjet për t’i mohuar qytetarëve të drejtën për të zgjedhur përfaqësuesit e saj.
“Deklarata për më shumë se 60 minuta të Presidentit të Shqipërisë ishte një situatë e trishto për këdo. Nuk është e nevojshme të jesh politikan për të thënë që Presidenti sot kishte dalë jashtë ekuilibrit, ishte një njeri jo në ekuilibër, padyshim larguar frikshëm nga të gjitha standardet që duhet të karakterizojë figurën që është uniteti i kombit.
Vijoi në rrugën e tij, të marrjes peng të demokracisë, të marrjes peng të së drejtës kushtetuese me thirrjet për të mohuar të drejtën kushtetuese të popullit për të zgjedhur përfaqësuesit e vet. Ishte e trishtë. Unë jam ndierë ligsht se si mundet në një njeri që populli shqiptar ka investuar aq shumë, duke i dhënë profile në gjithë karrierën e tij të hershme dhe të vogël politike duke qenë kryetar parlamenti, kryeministër, së fundmi President, se si realisht mund të turpërojë dhe standardin më minimal të një njeriu që i është besuar një detyrë e tillë e lartë”, tha Nikolla./abcnews.al
ad min16:28 | 08/04/2019
Gjykata Penale e Tiranës ka mbyllur procesin gjyqësor midis ish-ministres së Arsimit, Lindita Nikolla, si e dëmtuar akuzuese dhe të akuzuarit Luçiano Boçi. Gjykata deklaroi fajtor të veprës penale të fyerjes dhe shpifjes ish-deputetin e PD, duke e gjobitur me 70.000 lekë.
Ish-ministrja Nikolla ngritit paditi për ish-deputetin Luçiano Boçi, pas akuzave që bëri demokrati Boçi për shkelje në tenderin për dëftesat e shkollave 9-vjeçare. Luçiano Boçi e akuzonte Nikollën për favorizim në tendera dhe korrupsion, pasi kishte vonesa në printimin e dëftesave pas një gabimi teknik për nxënësit e shkollave 9-vjeçare.
Ish-ministrja e arsimit kishte sqaruar se tenderat për dëftesat nuk zhvillohen nga Ministria e Arsimit. por nga Ministria e Brendshme, fakt ky që u pasua me kallëzimin penal në 2018-n./abcnews.a
ent ela19:35 | 06/03/2019
Deputetja e PS-së Lindita Nikolla është shprehur se opozita i ka rënë murit me kokë dhe nuk di se ku do të dalë. Sipas saj djegia e mandateve ishte një akt i paprecedentë.
“Është e vërtetë që PS dhe Kryeministri janë me dorën e shtrirë për të vazhduar dialogun brenda parive kushtetuese për të pasur rregulla loje të barabarta në politikë. Sa më shumë bie popullaritet i LSI dhe PD aq më shumë rritet fjalori kundër sistemit dhe fjalori për dhunë. Ndërsa ne do vazhdojmë brenda sistemit. Kjo maxhorancë është mandatuar nga popullit për të qeverisur për të bërë të mundur që demokracia të funksionojë. Qeveria po punon dhe po ecën në rrugën e reformave. Populli nuk është ai që proteston, është opozita që proteston dhe i ka rënë murit me kokë duke djegur mandatet dhe nuk e di se ku do të dalë”.
Ish-ministrja Nikolla ka folur edhe për deputet e rinj të opozitës që kanë hyrë në Kuvend.
“Ne kur kemi konkurruar me listë dhe ata njerëz janë pjesë e asaj liste. Skuadra ime në Lezhe dhe kishte diferenca i pari apo i fundit. Ata nuk kanë qenë të sinqertë me listën që i janë prezantuar popullit dhe ose nuk kanë qenë të sinqertë me partinë, se kështu po thonë vetë”.
Ndërsa ajo ka përjashtuar mundësinë që Presidenti të ulë palët në tavolinë. Sipas saj Meta e ka humbur besimin.
“Presidenti Meta e ka treguar së fundmi se ka qenë e treta parti e opozitës dhe ai e humbi besimin dhe sigurinë për të qenë ai që të ulë palët në dialog. Por jam e sigurt se Rama dhe mazhoranca janë të hapur për dialog për rregulla të barabarta loje, por pushtet në tavolinë nuk ka”.
Deputetja e PS gjithashtu është shprehur se ndërkombëtarët u kanë bërë thirrje kandidatëve në listat vijuese të opozitës që të pranojnë mandatet.
“SHBA dhe BE e kanë bërë shumë të qarët qëndrimin e tyre dhe madje u kanë bërë thirrje deputetëve të listës që të marrin punën. Por opozita shkon kundër dhe tregon me forcë se është anti evropiane”./abcnews.al
ad min17:31 | 11/02/2019
Pas kërkesës së Asamblesë së Pedagogëve për një diskutim për Ligjin e Arsimit të Lartë me komisionin parlamentar të edukimit, ky i fundit dëgjoi sugjerimet e tyre për ndryshimin e këtij ligji dhe përmirësimin e gjendjes në universitete.
Debati për gjendjen e sistemit arsimor në vend, nisur nga revolta e studentëve, duhet shfrytëzuar për një diskutim kombëtar, që duhet paraprirë nga shprehja e vullnetit politik për ndryshimin e Ligjit të Arsimit të lartë. Ishte ky thelbi i diskutimit në komisionin e Medias nga Asambleja e Pedagogëve e cila problemet e Ligjit i përmblodhën në dy shtylla kryesore, financimi dhe autonomia.
Mark Marku: Nëse shteti nuk merr përsipër financimin e universitetit si universitet publik dhe duke ia rënduar barrën e financimeve përmes tarifave që merren nga studentët, tarifat do rriten aq shumë sa do rëndojnë mbi studentët. Praktikisht ka ndodhur kjo. Buxheti i shtetit nuk u rrit. E dyta është autonomia. Ligji e shkel autonominë në të gjitha drejtimet.
Bordi i Administrimit dhe administratorët janë pushtete paralele sipas Markut. Autoritetet akademike dhe institucionet përfaqësuese të universitetit nuk kanë akses në hartimin e politikave të menaxhimit dhe senati, pasi zgjedh përfaqësuesit në bord, nuk ka asnjë instrument ligjor për t’i kërkuar llogari. E si problem kryesor…
Mark Marku: Neni 12, sipas të cilit institucionet e larta publike mund të bëhen institucione publike të pavarura. Pra lind e drejta që të privatizohen përmes disa procedurave që gjasme kalojnë në fondacione dhe këtë e bën Bordi i Administrimit. Bordi i Administrimit ka të drejtë ligjore të privatizojë universitetet publike.
Problemi thellohet edhe më shumë me Vendimet e Këshillit të Ministrave që janë në thelb të Paktit për Universitetin të ofruar nga qeveria si zgjidhje, sipas tyre.
Rezart Prifti: E dini ju që thotë Kryeministri tregtoni libra. Ne s’kemi libra fare sepse të bësh një libër do një qërre me lekë, do një qerre me njerëz nga mbrapa dhe nuk bëhen librat kështu siç sugjeron zotëria që do ngrihet komisioni i lulushëve e me radhë. Ça bëhet kështu? Si u bënka në një komision të përgjithshëm? Ku e njeh ti lëndën time që të miratosh libër për mua. Kryeministri na bën pyetje mirëpo nuk dëgjon. Siç tha herën e fundit, qentë le të lehin kur karvani i tyre të ecë përpara. Vlerësimi i titujve akademikë thotë Kryeministri. Po bëje. Nëse do ta bësh ashtu si duhet hajde na pyet ne që kemi mbaruar jashtë si bëhet. Po, por duhet të llogarisësh kasaphanën nga mbrapa. Kasaphanë sepse nga 140 nga kolegët tuaj të nderuar, ka rrezik që 90% e tyre do dalë me pullë në biografi. Si do ta bëjë specialisti i Ministrisë së Arsimit titullin akademik, ku unë jam doktor shencash dhe ai ka dalë nga bankat e mia. Mbi ç’kriter?
Mungesën e vullnetit për ndryshimin e Ligjit, e shprehu vetë titullarja e ministrisë në kohën e përpilimit dhe miratimit të tij, në vetëm një pyetje.
Lindita Nikolla: A mendoni vërtet se ligji do përmirësojë gjithë situatën e arsimit tonë të lartë? Vërtetë mendoni që ligji ka sjellë përkeqësim? Nëse ligji ka sjellë përkeqësim më thoni një tregues që ka ardhur i përkeqësuar për shkak të ligjit të arsimit të lartë.
Pas një diskutimi që zgjati mbi 4 orë, përfaqësia e asamblesë së pedagogëve në komision këmbënguli në nevojën e hapjes së një diskutimi për llojin e sistemit arsimor që vendit i duhet, e më pas ndërtimin e Ligjit duke dëgjuar jo më ata që i dhanë formë Ligjit të sotëm të Arsimit të Lartë./abcnews.al
ad min17:12 | 28/12/2018
7 ministra të rinj kanë marrë poste drejtuese në qeveri. Disa prej tyre kanë qenë zv/ministra në të njejtët dikastere, kurse të tjerë vijnë nga eksperienca në administratë.
E dinin apo e dëgjuan aty për aty që nuk do të jenë më pjesë e bashkëqeverisjes, në një farë mënyre e treguan edhe përjetimet e tyre. Ministrja e Arsimit, Lindita Nikolla u përlot teksa dëgjonte falenderimet e kryeministrit për punën e bërë. Megjithatë stafetën duhet tia dorëzonte zëvendësministres së Arsimit, Besa Shahini.
Zyrtarja nga Kosova është njëherazi edhe analiste dhe hulumtuese e çështjeve të integrimit evropian dhe politikave arsimore ka punuar deri në verë të vitit 2015 si analiste në Inciativën Europiane për Stabilitet (ESI), organizatë kjo me bazë në Berlin. Gjithçka mundi të thotë ministrja Nikolla për gazetarët ishte vetëm një urim.
“Ditë më të mira do të vijnë“, tha ajo.
Të njëjtën përgjigje dha edhe një tjetër ministër në largim.
“Gëzuar”, tha Bushati.
Detyrën e Ministrit për evropën dhe Punët e Jashtme, Ditmir Bushati, do ta marrë zëvendësi i tij, një tjetër zyrtar nga Kosova, Gent Cakaj ka qenë edhe këshilltar i kryeministrit për politikën e jashtme. Shifrat në rritje të ekonomisë nuk e mbajtën dot në detyrë ministrin e Financave Arben Ahmetaj. Vendin e tij do ta zërë Anila Denaj e cila drejton Fondin e Sigurimit të Detyrueshëm të Kujdesit Shëndetësor.
Në të njëjtën mënyrë si ministri Ahmetaj u largua edhe ministri Gjiknuri. Bëri atë që askush tjetër nuk do ta bënte krye të këasj ministrie për reformën e energjisë elektrike tha Edi Rama, por sot ai ka një emër që e zëvendëson. Belinda Balluku një tjetër bashkëpunëtore e vjetër e kryeministrit Edi Rama që nga koha e drejtimit të Bshkisë së Tiranës. Nga viti 2015 e deri më tani, Belinda Balluku ka mbajtur postin e drejtoreshës së “Albcontrol sh.a’.
Lë detyrën edhe ministrja e Kulturës, Mirela Kumbaro dhe në vend të saj vendoset Elva Margariti, e cila aktualisht është këshilltare në kryeministri dhe koordinatore e projektit të “100 Fshatrave”. Vendin e Ministrit të Bujqësisë, Niko Peleshi, do ta zërë Bledi Çuçi, i cili ka mbajtur funksione të rëndësishme në Partinë Socialise, së fundi ishte ekspert i kësaj partie në Komisionin e Posaçëm Parlamentar për Reformën Zgjedhore.
Edhe pse nuk i kishte mbushur 5 vjet në detyrën e ministres së Shtetit për Mbrojtjen e Sipërmarrjes, Sonila Qato do të kalojë në një detyrë tjetër të rëndësishme. Në detyrën e ministrit u vendos Eduard Shalsi, i cili ka punuar ngushtë me kryeministrin Edi Rama veçanërisht në kohën kur ishte shef kabineti e më pas nënkryetar i Bashkisë së Tiranës.
Rikthimi i ministrisë për Marrëdhëniet me Parlamentin do të sjellë edhe një emër të ri në qeveri. Elisa Spiropali! Pasi e kreu me sukses detyrën e Drejtoreshës së Përgjithshme të Doganave nga viti 2013 deri në vitin 2015, Spiropali është përzgjedhur nga kryeministri si kandidatja e duhur për këtë ministri që rregullon marrëdhëniet me parlamentin.
Më i emocionuari në këtë grup zëvendësimesh duket Erjon Braçe. Pasi kryeministri vendos largimin e znj. Senida Mesi, një ndër anëtarët më të vjetër të kësaj partie, Ejon Braçe i ka idetë e qarta për punën që do të bëjë.
“S’ka lidhje me lumturinë kjo gjë. Ajo duartrokitje në sallë ishte shumë më tepër se çdo gjë tjetër”, tha ai.
Që kanineti i riformatuar i Këshillit të Ministrave të nisë punë, pritet dekretimi i emërimeve nga Presidenti i Republikës, Ilir Meta./abcnews.al
ad min22:50 | 20/12/2018
Gjatë seancës që ka nisur sot pasdite në Kuvend po diskutohet për dekretin e Presidentit Meta, që rikthen buxhetin e 2019-s me qëllimin plotësimin e kërkesave të studentëve. Ministri i Financave dhe Ekonomisë, Arben Ahmetaj, tha se dekreti nuk ka referenca apo sugjerime konkrete.
Parlamenti rrëzoi me votat e mazhorancës dekretin e Presidentit që ktheu ligjin për buxhetin 2019 në Kuvend. Diskutimin që i mblodhi në sallën e seancave plenare të majtë e të djathtë, e nisi ministri i Financave me një konsideratë.
“Do ishte në ndihmë të këtij parlamenti, majta dhe djathtas, që Presidenti të kishte cituar shifra konkrete, madje -madje si zakonisht kur kthen një ligj të bënte referenca konkrete dhe sugjerime konkrete, gjë që në dekret nuk ka ndodhur. Në këndvështrimin tim personal sigurisht që Presidenti e ka kthyer politikisht Buxhetin e vitit 2019”, tha Ahmetaj.
Arsyes thelbësore të kthimit të këtij ligji, kërkesave të studentëve që protestojnë prej 16 ditësh për 8 kërkesat e tyre, ministri i Ekonomisë dhe Financës iu përgjigj duke i bërë jehonë asaj që shefi i tij po deklaronte njëkohësisht në një tjetër godinë, atë të Universitetit të Inxhinierisë së Ndërtimit në takimin me studentët atje. Kreu i demokratëve, Lulzim Basha, argumentat e tij kundër Ligjit për buxhetin 2019 në mbështetje të kërkesave të studentëve i dha me shifra.
“kosto vjetore mesatare 25 mijë Lekë, Master 100 mijë Lekë, konvikt dhe ushqim 220 mijë Lekë, libra 15 mijë Lekë, telefona, abone, transport 25 mijë Lekë. Në total për 3 vite Bachelor dhe 2 vite Master një familje duhet të shpenzojë afro 15 milionë Lekë të vjetra, që të mundësojë shpenzimet për një fëmijë të vetëm. Sepse të çosh sot një fëmijë në Universitet në Shqipëri është një sakrificë e papërballueshme për shumicën e familjeve. Po familjet që aspirojnë të çojnë më shumë se një fëmijë në Universitet”, u shpreh Lulzim Basha.
Ministrja Nikolla preferoi t’i drejtohej opozitës lidhur me sistemin arsimor, teksa diskutimin me studentët e vijonte shefi i saj.
“Studentët, prindërit e tyre dhe shoqëria shqiptare e dinë shumë mirë se si e latë ju arsimin. Çfarë do të thoni për filialet që i latë për Shqipëri. Po për kioskat universitare? Po për mësuesit e përdorur dhe tekstet gjithëfarëshe. Në këto pesë vite ne kemi ndërmarrë një reformë sistemike në çdo centimetër, nga kopshti deri në universitete. Më thoni një reformë modernizuese të sistemit arsimor në kohën tuaj”, u shpreh Nikolla.
Përgjigjen ia dha vetë ish-kryeministri Sali Berisha.
“Në ato vite është bërë një rritje e madhe e rrogave të pedagogëve.Paga neto nga 500 mijë u rrit në 747 mijë e 700 lekë. U dhanë për universitetet 36 ndërtesa. A idoni me listë këtu? I keni listat të gjitha. Nga Gjirokastra, Saranda, Vlora në Peshkopi, Kukës dhe kudo. Ku shkuan paratë tuaja? U vodhën, u vodhën, u vodhën”, tha Berisha.
Në përfundim të votimit të pikës që u bë shkak i thyerjes së bojkotit thuajse 4 mujor opozita u largua nga salla./abcnews.al
ad min12:10 | 13/12/2018
Ministrja e Arsimit, Lindita Nikolla, gjatë fjalës së mbajtur në seancën plenare në Kuvend deklaroi se të gjitha thirrjet e bëra nga studentët gjatë protestave e kanë rënduar dhe nuk kanë qenë aspakt të lehta, por ajo theksoi se ata kanë të drejtë dhe si ministre merr çdo përgjegjësi që i takon.
“Lindita Nikolla, pesha e thirrjeve në tetë ditë përjetim dhe shqetësim të protestës studentore. Pesha e thirrjeve që nuk janë vetëm për mua, por për të gjithë ministrat e Arsimit, qeverinë dhe shoqërinë shqiptare. Më takoi t’i takoja dhe peshoja me të gjithë fuqinë e mendjes dhe të zemrës si thirrje legjitime të një brezi që në fakt prezanton breza të të rë që iu është cënuar e ardhmja dhe ju është vrarë merita. Studentët kanë të drejtë. Studentët skanë ngritur shumë çështje. A është problemi i sistemit tonë të lartë çmi i i dijes apo vetëm cilësia me të cilën dija jepet? A janë sot të nevojshme mënyrat sesi përgatiten studentët tanë dhe sesi qeverisen universitetet. Për këtë nuk ka nevojë të flasë koha por e bërtas dhe unë një Po të madhe dhe të fortë. Kam punuar fort si të ishte dita e fundit punë si ministre dhe për të mos turpëruar asnjë mësues dhe asnjë që më besoi mua. Ajo që dua t’u them sot studentëve është ata kanë të drejtë, por ftesa për të zhvilluar një betejë edhe më të vështirë është drejt tyre sot. Ajo që tejkalon veten, duke parë vetëm të vërtetën në sy përmes një dialogu për të transformuar cilësisht universitetet tona. Unë e gatshme për të marë çdo përgjegjësi”, tha Nikolla./abcnews.al
ad min11:52 | 12/12/2018
Ministrja e Arsimit dhe Sporteve, Lindita Nikolla, ka shkuar në kryeministri paraditen e kësaj të mërkure. Ajo është filmuar nga kamerat e ABC News duke dalë nga ambientet e kryeministrisë. Nuk dihet nëse ajo ka zhvilluar takim me kryeministrin Rama, apo sa ka zgjatur qëndrimi i saj aty.
Ndërkohë jashtë kryeministrisë dhe Ministrisë së Arsimit, qindra studentë janë mbledhur dhe po protestojnë për plotësimin e tetë kërkesave të tyre. Gjithashtu, gjatë ditës kryeministri Rama u ka bërë sërish thirrje studentëve për dialog./abcnews.al
ad min19:54 | 09/12/2018
I ftuar në “Mbrëmje Ide” me gazetaren Mirela Milori ishte Bislim Lakna, një nga studentët e protestës që po zhvillohet përpara Ministrisë së Arsimit.
“Në çdo lloj vendi kanë qenë studentët ata që kanë sjellë ndryshimet e mëdha. Faj kanë të gjitha partitë politikë që kanë qenë pjesë e sistemit. Realizimi i kërkesave do të silltë ndryshime zinxhirore.”
I pyetur nga gazetarja Milori nëse në këtë protestë ndihet tensioni politik, studenti u shpreh se ka pasur tentativa për ta drejtuar atë drejt Kryeministrisë.
“Ndjehet presion serioz brenda protestës pavarësisht se kanë pasur të pamundur ta kanalizojnë protestën. Janë kufizuar vetëm në drejtimin e parrullave dhe jo protestës. Kishte një tentativë për ta drejtuar atë drejt kryeministrisë, por dështoi. Është komplekse se personat e përfshirë janë edhe studentë.”
Gjithashtu Lakna tregoi se ku ndodhej protesta në mes të të gjithë këtij presioni politik.
“Nuk po humbet rast asnjë nga dashakeqësit e partive për të krijuar presion për të njollosur më nje retorikë të tillë, por është boshe.”
Ndërsa për ftesën e kryeministrit Rama, ai u shpreh se dialog ka vetëm kur ekzistojnë negociatat dhe se ata nuk kishin gjë për të negociuar.
“Zakonisht dy palë ulen në dialog për të negociuar. Por nuk kemi çfarë të flasim, ai korrupsionin e identifikoi vetë. Meqë i njeh problemet le të urdhërojë me alternativat për zgjidhjen. Ne nuk kemi asnjë gjë për të dhënë apo marrë nga ai, përveç plotësimit të kërkesave.”
Studenti i ftuar në studio tregoi dhe për prezencën e ministres Nikolla në protestë dhe tensionet e ditës së sotme ndërmjet disa protestuesve dhe pedagougut që u përzu nga ata.
“Edhe tentativa e ministres për të takuar studentët ka një tendencë si një show mediatik. Ne na duhet një ministre që vjen për të zgjidhur problemet që kemi.
Pedagogun nuk e përzunë studentët por militantë të forumit PD-LSI, madje u denoncuan me foto. Aty flisnin si studentë të pavarur. Profesori nuk u la as të flistë, u përzu para se të kishte mundesinë të shprehej.”
Gjithashtu u diskutua për faktin se protesta ishte pa kryetar dhe përfundimin e afatit të dhënë nga studentët.
“Gadishmëria e masës së studentëve për të qëndruar aty deri në plotësim të kërkesave e ben irelevantëve menyrën se si realizohen prapaskenat. Nuk me duket sikur po krijon një problem me boshtin e protestës. Nuk e di nëse ky afat do rezultojë me ndonjë përshkallëzim, por do vendoset aty në masën e studentëve. Qeveria dhe ministria jane vënë në pozita mbrojtëse.”
Së fundi Lakna foli dhe për nëse synohet një bashkim me protestuesit e Unazës së Re dhe çdo të ndodhë nëse nuk plotësohen kërkesat.
“Nuk mund të flas në emër të protestës. Ndjeshmëria që kuptoj nga masa e studentëve është se do të qëndrojmë besnik ndaj ideve tona. Pjsesa me e madhe solidarizohet me banorët. Nuk e di nëse mund të bashkohen protestat, solidariteti është shumë më i rëndësishëm se plus 200 persona.
“Nisja e një cikli të ri në jetën universitare do të jetë një ndryshim disi i kënaqshëm. Deri në një zgjidhje politike që garanton riformulimin e ligjit për arsimin e lartë. Derisa një univeristet më cilësor të jetë i mundur.”/abcnews.al
ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore.
NUIS/NIPT K01711004FKontaktTelefono
