ABC News ka siguruar videon nga momenti ku autorët i vendosin tritolin lokalit në Shkodër. Ngjarja ka ndodhur tek vendi i quajtur “Fermentimit”. Nga shpërthimi nuk ka persona të lënduar, por vetëm dëme materiale. Ka qenë vetë pronari i lokalit që ka njoftuar policinë pasi ka vënë re dëmet.
Njoftimi i policisë:
Rreth orës 05:50 të mëngjesit të sotëm, shtetasi F. K., 65 vjeç, banues në lagjen “Skënderbeg”, Shkodër, ka njoftuar se kur ka shkuar për të hapur biznesin e tij (bar-kafe), ka konstatuar të thyer xhamin e derës të këtij biznesi.
Nga veprimet paraprake të kryera nga grupi hetimor, dyshohet se para derës së këtij lokali, është hedhur një sasi e vogël lënde plasëse (amonit malor i prodhuar në mënyrë artizanale).
Grupi hetimor, në bashkëpunim me Prokurorinë, vijon punën në vendngjarje me qëllim zbardhjen e rrethanave të kësaj ngjarje, si dhe për identifikimin e kapjen e autorit/ëve./abcnews.al
