Loading ...
Dy punëtorë kanë humbur jetën pas shpërthimit në një hidrocentral të vjetër në jug të Zvicrës, njoftuan autoritetet lokale.
Ngjarja ka ndodhur në një hidrocentral në fshatin Piota, në kantonin e Ticinos. Sipas policisë, shpërthimi u pasua nga një zjarr, duke përfshirë dy punëtorët, të cilët ndërruan jetë më vonë si pasojë e plagëve të marra.
Një prej viktimave ishte një shtetas zviceran 55-vjeçar, ndërsa identiteti i punëtorit tjetër ende nuk është bërë i ditur.
Shpërthimi shkaktoi dëme të konsiderueshme në ndërtesë. Ndërkohë, autoritetet kanë nisur hetimet për të përcaktuar shkaqet dhe rrethanat e sakta të aksidentit.
Sipas transmetuesit shtetëror RSI, hidrocentrali i vjetër ishte duke iu nënshtruar punimeve të rinovimit, në kuadër të planeve për rindërtimin e objektit.
