Loading ...Kryeministri Edi Rama e cilëson Shkodrën si simbolin që tregon kontrastin e fortë të zhvillimit nën drejtimin e socialistëve. Në fushatën për anëtarësime të reja në qytetin verior, Rama deklaroi se qyteti dikur peng i një krenarie të humbur, tashmë është kthyer në një destinacion të preferuar në Evropë për turistët.
“Punë të cilën, nuk diskutohet, ne dhe unë personalisht e mbështesim pa kushte dhe pa kufizim. Sepse Shkodra është një potencial i jashtëzakonshëm për zhvillimin kombëtar. Jo thjesht sepse Shkodra është e prapambentur edhe me bashkitë e tjera, për arsye që i dimë, Shkodra ishte pengu i nje krenarie të humbur, që përkthehej në një mllef asgjesues, duke u kapur pas të shkuarës. Sot, Shkodra po bëhet hapësira e një krenarie të fituar, që ushqehet nga ndenja e të qenurit në qendër të vëmendjes, të shikuarit të ndryshimit të mundshëm, dhe ndjenja e të ardhmes. Për mua, është shumë e rëndësishme krenaria e mështetur në atë që ne mund të bëjmë së bashku, shqiptarët mund të bëjnë së bashku. Ushqimi i ndjenjës së krenarisë për Shqipërinë, është themelor për të siguruar të ardhmen që meritojnë brezat e ardhshëm.
Shkodra sot është një laborator i të shkuarit përtej kufijve partiakë dhe të kuptuarit interesit dhe qëllimeve të përbashkëta, duke i mbrojtur më mirë duke kapërcyer kufijtë partiakë. Partia Socialiste është një instrument për të realizuar qëllime të përbashkëta që kanë të bëjnë me njerëzit, me vendin. Kjo është ajo që kam dashur të them prej kohësh, Shqipëria nuk ka kohë për të humbur, ka humbur kohë me ndasira që nuk i kanë shërbyer, i kanë shërbyer vetëm atyre që kanë dashur të kenë sa më shumë njerëz të verbër nga mbrapa për pushtetin e tyre.
Nuk ka qytet të ketë det, liqen, lume, koda, male dhe të ketë edhe majat më të larta të vendit. Pa llogaritur trashëgiminë kulturore, historike, kjo është një pasuri që i takon të gjithëve, nuk është pasuri për të majtët dhe të djathtët. Sot po e shohim që është vetëm fillimi i fillimit. Atmosfera ka ndryshuar. Ta mbështesim këtë progres. Kemi premisa për ta çuar vendin aty ku duhet, për ta çuar Shkodrën aty ku duhet“.
Premtoi një sërë investimesh në infrastrukturë. Ndërsa u ndal në përfundimin e aksit Shëngjin-Velipojë.
Kreu i qeverise theksoi nevojën e anëtarësimeve të reja ndërsa e la derën e hapur edhe për demokratët, duke thënë se i kanë lënë pas ndasitë e së shkuarës./abcnews.al
