Shkatërrohet banda shqiptare e drogës, 4 në pranga

Policia greke ka shkatërruar një bandë shqiptare që merrej kryesisht me trafikimin e sasive të mëdha të drogës. Lajmi bëhet i ditur nga mediat helene që saktësojnë se në një operacion në afërsi të Patras janë arrestuar 4 shqiptarë. Ata janë 3 meshkuj të moshës 37, 33 dhe 28 vjeç dhe një femër 26 vjeç. Banda kriminale kryente vazhdimisht transport të lëndëve narkotike nga Athina për në Patra. Mësohet se në operacionin e policisë greke është sekuestruar 10 kilogram kanabis, 8 celularë dhe rreth 900 euro. /abcnews.al