Numri i të infektuarve me koronavirus në SHBA është rritur në 236,072. Nga këto raste, vetëm gjatë 24 orëve të fundit janë konfirmuar, jo pak por 21,069 raste të reja me Covid-19. Ndërsa, si pasojë e koronavirusit, në SHBA kanë ndërruar jetë 5,777. Prej tyre, 675 persona kanë humbur jetën brenda 24 orëve të fundit.
Nga numri i përgjithshëm i të infektuarve, raste aktive mbeten 219,985. Sipas raportimeve të mediave vendase, të prekur ka në të 50 shtetet. Kujtojmë këtu se epiqendra e epidemisë në SHBA mbetet Nju Jorku. Deri më tani, ky shtet numëron 92,381 raste të konfirmuara dhe 2,373 viktima.
Ndërkohë, presidenti amerikan Trump ka aprovuar shpalljen e gjendjes së katastrofës në Virginia. Kjo është deklarata e 33 që Trump bën në përgjigje të epidemisë së koronavirusit. /abcnews.al/
