Loading ...
Ambasada e Shteteve të Bashkuara të Amerikës në Tiranë ka bërë një reagim në rrjetet sociale në kuadër të përkujtimit të sulmeve terroriste të 11 Shtatorit.
Përmes këtij mesazhi, trupa diplomatike nderon kujtimin e të gjitha viktimave që humbën jetën tragjikisht në këtë ditë që shënoi historinë botërore.
“Nderojmë jetët e humbura, heronjtë që u shfaqën në New York, Pennsylvania dhe Virginia, si dhe qëndrueshmërinë e shpirtit amerikan”, shkruan Ambasada.
Nderim i veçantë u është kushtuar heronjve që u flijuan dhe ndihmuan gjatë ngjarjeve në New York, Pennsylvania dhe Virginia. Njëkohësisht, ambasada lartësoi qëndrueshmërinë dhe forcën e pashtershme të shpirtit amerikan përballë kësaj tragjedie.
Kjo ditë mbetet një moment i fuqishëm reflektimi dhe solidariteti midis popullit shqiptar dhe atij amerikan.
