SHBA/ Dy fëmijë kanë humbur jetën nga sëmundja misterioze që lidhet me koronavirusin

schedule11:16 - 9 Maj, 2020

schedule 11:16 - 9 Maj, 2020

Dy fëmijë në New York kanë vdekur nga një sëmundje e rrallë dhe misterioze që lidhet me COVID-19, njoftuan autoritetet vendase.

”Një djalë i ri në Westchester vdiq pasi pati komplikime neurologjike”, tha Dr. Michael Gewitz nga Spitali i Fëmijëve Maria Fareri në Valhalla gjatë një konference për shtyp.

11 fëmijë të tjerë janë shtruar në spital në Westchester, thanë autoritetet. Moshat e pacientëve pediatrikë variojnë nga disa muajsh tek adoleshentët dhe  rezultojnë pozitivë për COVID-19.

Doktor Gewitz tha që simptomat shfaqeshin nga dy javë deri në mbi një muaj pas ekspozimit ndaj COVID-19.

Ndërkohë, guvernatori Andrew Cuomo njoftoi gjatë konferencës së përditshme për koronavirusit se edhe një djalë 5-vjeçar vdiq të enjten e 7 majit në New York nga kjo sëmundje.

Zyrtarët po hetojnë disa vdekje të fëmijëve të tjerë me rrethana të ngjashme. Ka pasur rreth 73 raste të raportuara te fëmijët deri më tani në New York, tha Cuomo./abcnews.al