SHBA bashkë me Shqipërinë po parashtrojnë në mbledhjen e këshillit të Sigurimit projekt-rezolutën që dënon sulmin rus ndaj Ukrainës. Në mocion kërkohet që Rusia të tërheqë trupat e saj nga Ukraina dhe të lejojë ndihmën humanitare në vend.
Përfaqësuesi i SHBA deklaroi se faji për këtë situatë është tërësisht i Rusisë ndërsa citoi kërcënimin ndaj Suedisë dhe Finlandës ditën e sotme se nëse do bëhen anëtare të NATO-s do të përballen me pasoja ushtarake dhe politike.
Ndërsa përfaqësuesi i Shqipërisë që është edhe bashkë-pengmbajtëse e kësaj rezolute deklaroi se ky nuk është një moment për të menduar dhe për të parë larg, por për të folur për të që po ndodh tani.
Sipas BBC, projekt-rezoluta ka pësuar disa ndryshime të minutës së fundit nga “dënojmë pushtimin e Rusisë” në “dënojmë sulmet e Rusisë” ndaj Ukrainës.
Një diplomat i Këshillit të Sigurimit tha se negociatat janë shtrirë deri në Kinë pasi disa diplomatë po përpiqen ta bindin Pekinin që të abstenojë në vend që të votojë kundër rezolutës.
Karta e OKB-së përcakton duhen 9 vota në panelin prej 15 anëtarësh që të miratohet kjo rezolutë. Por të gjithë anëtarët e përhershëm SHBA, Britania e Madhe, Franca, Rusia dhe Kina kanë të drejtën e vetos. /abcnews.al
