Presidenti i Polonisë tha të enjten se vendi i tij planifikon t’i japë Ukrainës rreth një duzinë avionësh luftarakë MiG-29, të cilët do ta bëjnë atë anëtarin e parë të NATO-s që përmbush kërkesat gjithnjë e më urgjente të qeverisë ukrainase për avionë luftarakë.
Presidenti Andrzej Duda tha se Polonia do të dorëzonte katër prej avionëve luftarakë të prodhimit sovjetik “brenda ditëve të ardhshme” dhe se pjesa tjetër do të dërgohej më vonë.
Polonia ishte gjithashtu vendi i parë i NATO-s që i dha Ukrainës tanke Leopard 2 të prodhimit gjerman. Të mërkurën, zëdhënësi i qeverisë polake Piotr Mueller tha se disa vende të tjera gjithashtu kishin premtuar MiG në Kiev, por nuk i përmendi se cilat.
Si Polonia ashtu edhe Sllovakia kishin treguar se ishin gati të dorëzonin avionët e tyre, por vetëm si pjesë e një koalicioni më të gjerë ndërkombëtar që do të bëntë të njejtën gjë.
/abcnews.al
