Barcelona vazhdon përgatitjet për ndeshjen jashtë fushe kundër Sevilla (e premte, ora 22:00). Një sfidë shumë e rëndësishme për titullin kampion, por Quique Setien ka komentuar vazhdimësinë e këtij sezoni në Champions League.
Katalanasit luajnë sfidën e kthimit të raundit të 1/8 kundër Napolit (1-1 ndeshje e parë në Itali) më datë 7 gusht, teksa çerekfinalet dhe gjysmëfinalet do të zhvillohen me një ndeshje teke në Lisbonë të Portugalisë.
“Mendoj se ndeshjet teke janë në dëm të Barcelonës dhe skuadrave të tjera. Me dy ndeshje mund të marrësh veten dhe të rikuperosh gabimet. Të gjithë do të donim të diskutonim kualifikimin me dy takime, por këto janë kushtet.
Shpresoj të luajmë në ‘Camp Nou’ kundër Napolit. Nuk do të ishte njësoj sikur të luanim në një fushë asnjanëse. Sulmi? Të gjithë lojtarët do të luajnë gjatë kësaj kohe. Shpresoj të jem në gjendje t’u jap sa më shumë minuta aktivizim.
Sa i takon Griezmann, nuk është e lehtë të luash këtu, por unë vlerësoj gjëra të tjera, që na vlejnë si skuadër“, thekson trajneri i Barcelonës. Kampionët e Spanjës kanë dy mungesa të sigurta për duelin ndaj Sevilla: Sergi Roberto dhe Frenkie De Jong, të cilët kanë pësuar dëmtime. /abcnews.al
