Quique Setien

Setien-Barcelona-1.jpg
Klejdi Kaimi10:57 | 08/03/2020

Barcelona arriti një fitore shumë të rëndësishme ditën e djeshme në ‘’Camp Nou’’, duke mposhtur me  rezultatin 1-0 Real Sociedadin. Katalanasit fituan falë një penalltie, e cila u kthye në gol nga kapiteni Leo Messi. Trajneri i Barçës, Quique Setien, shprehet i lumtur për fitoren si dhe e pranon se ekipi i tij fitoi falë VAR-it.

‘’E dinim se do të ishte një ndeshje e vështirë. Sociedad kishte fituar 6 takimet e fundit, ku një prej tyre dhe në ‘’Santiago Bernabeu’’. Kanë arritur në finalen e Kupës së Mbretit dhe nuk dorëzohen lehtë. Kanë disa lojtarë shumë të mirë. Ne sonte fituam vetëm falë VAR-it’’, deklaron Setien.

‘’U munduam të kontrollonim lojën, por nuk ishte e lehtë. Duhet të vazhdojmë të rritemi dhe të punojmë më shumë. Emocionalisht jemi mirë dhe kjo ka rëndësi për mua. Kaluam një ndeshje të vështirë. Tashmë presioni bie mbi Realin, i cili duhet të fitojë ndeshjen për të rifituar kreun e La Ligës’’, mbyll spanjolli. /abcnews.al

 

el-clasico-e1584964724158.jpg
Vladimir Prenga14:09 | 01/03/2020

Do të luhet sonte në Spanjë, ndeshja më e madhe e futbollit europian, ajo mes Realit dhe Barcelonës. Një “El Clasico” e veçantë, me madrilenët që nuk mund të gabojnë në përballjen me Lionel Mesin.

Momenti është vërtet shumë delikat. Reali i Madridit është jashtë Kupës së Mbretit, është me një këmbë jashtë Ligës së Kampionëve, dhe gjithë sezoni mund të shkatërrohet nëse humbet edhe sot, në El Clasico, sepse mbetet 5 pikë prapa Barcelonës. Në kampionat u barazua me Seltën e Vigos, në Kupë, u eliminua pas humbjes 3-4 me Sociedadin, ndërsa në Champions është pranë eliminimit pas disfatës 1-2 ndaj Mançester Sitit.

“Është një moment i vështirë për ne, sepse kemi 3 ndeshje që nuk fitojmë në stadiumin tonë, – thotë trajneri Zinedin Zidan, – gjithsesi, ata që e njohin futbollin, e dinë se këto gjëra mund të ndodhin. Kemi nevojë të jemi të bashkuar, po ashtu kemi nevojë për mbështetjen e plotë të tifozëve, të cilëve u premtojmë se do të japim gjithçka. Kritikat janë normale, por unë besoj se lojtarët e mi janë më të mirët në botë dhe se do të dinë të reagojnë. Kjo ndeshje nuk e përcakton titullin”.

Madrilenët nuk deshën të jepen të dorëzuar dhe në ditët e orët para duelit të madh u shfaqën me besim dhe krenarë duke theksuar traditën e madhe të klubit. Zidan nuk pritet të ketë mungesa të rëndësishme, me përjashtim të Hazardit të dëmtuar. Në mesfushë konfirmohen Kasemiro e Valverde, ndërsa ulet në stol Modriç ose Isko, për t’i bërë vend Toni Krosit.

Pati shqetësim në Madrid, pasi u publikuan pamjet filmike të bisedës së mesfushorit gjerman me trajnerin e Sitit, Pep Guardiola. Barcelona duket më e qetë, por gjithkush e di se nuk gëzon formën e duhur. Barazimi 1-1 në Napoli për Champions nuk ngrohu aspak, edhe pse rriti shanse për kualifikim.

Pike rikuperohet nga dëmtimi i pësuar, pikërisht në atë ndeshje, dhe pritet të jetë titullar. Po ashtu, Zhordi Alba hyn në listë, ndonëse nuk dihet nëse mund të luajë. Mungesat e katalanasve, sidoqoftë, mbeten të rëndësishme, sidomos me sulmuesit Suarez dhe Dembele. Trajneri Kike Setien do të debutojë në “El Klasiko”, ashtu siç debutoi edhe në Ligën e Kampionëve, mesjavën e kaluar.

“Kjo ndeshje është më e rëndësishme për Madridin sesa për ne, ndonëse edhe do të ishte një ditë e shënuar nëse do të fitonim, – u shpreh Setieni, – Pres një ndeshje shumë të ekuilibruar, le të shohim kush do ta meritojë më shumë për ta fituar. Do të luajmë me guxim, si në çdo ndeshje, do të jemi në sulm, edhe pse Madridi është një skuadër të cilën e respektoj shumë. Nuk dua të flas për formacionin, pasi gjithçka mund të ndodhë”.

Gazetat e ngrenë edhe më shumë temperaturën. “Marka”: Dueli për La Ligën! “Bernabeu” mund të përcaktojë fatin e titullit, Reali del në krye nëse fiton, Barça shkëputet nëse ia del!

“El Mundo Deportivo”: Rasti i madh! Barça mund ta lerë përfundimisht prapa Madridin nëse fiton një El Clasico apasionues! Mesi është “terrori” i “Bernabeut”! Gjithsesi, kapiteni katalanas ka 5 ndeshje që nuk ia del në derbin me Realin, plot 336 minuta pa shënuar.

Për herë të fundit, tundi rrjetën në maj 2018, dhe kjo ndodhi në “Kamp Nou”, por sidoqoftë argjentinasi do të thyejë sot rekordin e Ksavit, me 43 “El Clasico” në karrierë. Fitorja do të thoshte 5 pikë diferencë me Realin, që bashkë me bilancin direkt pozitiv, do të shkonin në 6 pikë. /abcnews.al

Setien-e1582742229563.jpg
Igli Nikolli19:12 | 26/02/2020

Quique Setien provoi kundër Napolit për herë të parë emocionet e Champions League. Debutimi i trajneri spanjoll në kompeticionin më të rëndësishëm për klube u mbyll me një barazim, rezultat që favorizon shumë Barcelonën për t’u kualifikuar në çerekfinale.

Gjithsesi, Setien ka thyer një rekord negativ. Nuk ndodhte prej 23 vitesh që një trajner i Barcelonës të mos fitonte ndeshjen e parë në Champions League. 61-vjeçari ishte i pafat pasi e nisi me një përballje të vështirë.

Trajneri i fundit që nuk kishte fituar në debutimin e tij ishte Louis Van Gaal. Holandezi i njohur e zhvilloi kundër Newcastle sfidën e parë europiane në stolin e skuadrës katalanase. Ishte shtatori i vitit 1997 dhe “Qymyrxhinjtë” fitonin 3-2 kundër Barcelonës falë trigolëshit të kolumbianit Asprilla. /abcnews.al

manaj-2-1280x755.jpg
Vladimir Prenga14:15 | 14/02/2020

Barcelona ka publikuar listën e futbollistëve të grumbulluar për ndeshjen kundër Getafe dhe spikat emri i sulmuesit të kombëtares shqiptare, Rey Manaj. Lushnjari me siguri do e nisë nga stoli dhe shpreson të ketë mundësinë të debutojë me katalanasit.

Quique Setién, trajneri i skuadrës blaugrana, është pyetur në konferencën e sotme për shtyp edhe për grumbullimin e Manajt. Trajneri e argumenton kështu thirrjen e Manajt:

“Është një futbollist me karakteristika shumë të qarta. Në një moment të caktuar mund të na japë diçka, ndaj e kemi grumbulluar.

Para mundësisë që mund të ndodhë ndonjë gjë, do kemi një alternativë në atë pozicion. Për këtë është përfshirë, si u grumbullua Abel, apo lojtarë të tjerë”. / abcnews.al

Setien-Quique.jpg
Igli Nikolli15:19 | 05/02/2020

Drejtori sportiv i Barcelonës, Eric Abidel akuzoi lojtarët për faktin që nuk e donin më Ernesto Valverden, ish-trajnerin e ekipit katalanas. I menjëhershëm ka qenë reagimi i Leo Messit. Kapiteni i kërkoi ish-shokut të skuadrës të përqendrohet në punën e tij.

Njerëzit në drejtorinë sportive duhet të marrin përgjegjësitë e tyre dhe mbi të gjitha të marrin përsipër vendimet që marrin. Në fund, kur flitet për lojtarët, duhet të jepen emra. Nëse nuk ndodh, atëherë ndotemi të gjithë dhe ushqejmë komente të tilla si ato që janë bërë dhe që nuk janë të vërteta“, komentoi Messi.

LEXO EDHE: Tërmet te Barcelona, Messi zgjon presidentin dhe shkarkimi është gati

Rreth kësaj situate ka folur edhe trajneri i Barcelonës. Quique Setien jep mendimin e tij në konferencën për shtyp përpara ndeshjes çerekfinale të Kupës së Mbretit ndaj Athletic Bilbao, sfidë që luhet nesër në mbrëmje (21:00).

Këto janë gjëra të rëndësishme, por nuk më përkasin mua. Kemi diskutuar vetëm një minutë në lidhje me këtë temë. Detyra jonë është të përqendrohemi në fushën e blertë, kjo është e vetmja gjë që më shqetëson. Nuk përfshihem në situata që nuk i kontrolloj dot.

Messi? Probleme ka në çdo klub të botës, unë mendoj vetëm t’i jap lojtarëve të mi udhëzimet e duhura për të fituar. Leo ka eksperiencën e duhur për të vendosur se çfarë bën. Nuk dua të futem në jetën e tij apo të lojtarëve të tjerë. Unë dua vetëm t’i bëj lojtarët e lumtur, pjesa tjetër nuk më intereson“, përfundon Setien. /abcnews.al

Setien-Barcelona.jpg
Igli Nikolli16:40 | 01/02/2020

Quique Setien është ndalur te Neymar në konferencën për shtyp përpara ndeshjes së nesërme kundër Levantes. Kampionët e Spanjës presin në “Camp Nou” ekipin e Enis Bardhit dhe do synojnë rikthimin te fitorja në kampionat pas humbjes me Valencian.

Trajneri i ekipit katalanas është treguar i sinqertë në lidhje me brazilianin e PSG-së. Sulmuesi dëshiron rikthimin në Katalunjë dhe Setien është gati ta presë me krahë hapur.

Jam i lumtur që dëshiron të rikthehet te Barcelona. Personalisht më pëlqen të stërvis lojtarë të mëdhenj dhe t’i kem në ekipin tim. Kështu që, do të isha shumë i lumtur të punoja çdo ditë me Neymar“, thekson Quique Setien. /abcnews.al

Setien-Barcelona-3.jpg
Igli Nikolli20:21 | 25/01/2020

Quique Setien provoi për herë të parë shijen e humbjes në stolin e Barcelonës. Ekipi katalanas dështoi në fushën e Valencias dhe u mund 2-0 nga ekipi vendas. Trajneri ka analizuar disfatën në prononcimin e dhënë pas ndeshjes, teksa ndalet edhe te mesfushori De Jong.

Në pjesën e parë luajtëm shumë keq, nuk patëm saktësi dhe nuk i dhamë thellësi aksioneve tona. Ka disa gjëra që nuk i kemi kuptuar ende, ndoshta nuk jemi shpjeguar mirë. Në pjesën e dytë u rritëm dhe krijuam rastet tona, por nuk arritëm t’i finalizonim.

Ka shumë aspekte ku duhet të përmirësohemi. Valencia është një skuadër e madhe dhe u treguan të aftë për të na ndëshkuar. De Jong? Jo vetëm ai, e gjithë skuadra vuajti sot. Frenkie është mësuar me një lloj loje, tani po i kërkojmë të luajë ndryshe“, deklaron Quique Setien. /abcnews.al

Setien-Quique.jpg
Igli Nikolli18:10 | 21/01/2020

Quique Setien debutoi me fitore në pankinë e Barcelonës. Goli i Leo Messit vendosi ndeshjen ndaj Granadës, ndërsa nesër në mbrëmje është radha e Kupës së Mbretit. Ekipi katalanas do të përballet me UD Ibiza-Eivissa.

Trajneri i Barcelonës pranon se drejtuesit po punojnë për të afruar një goleador. Luis Suarez do të mungojë rreth katër muaj, ndërsa emri që përflitet është ai i Aubameyang të Arsenalit.

Po, është e vërtetë, po shqyrtojmë mundësinë e blerjes së një sulmuesi. Jemi në bisedime, por nuk është një çështje që më shqetëson shumë. Jam më i shqetësuar për ndeshjet e radhës“, thekson trajneri i ekipit katalanas. /abcnews.al

Setien-Barcelona-2.jpg
Igli Nikolli08:36 | 20/01/2020

Quique Setien e nisi me fitore aventurën në pankinën e Barcelonës. Kampionët e Spanjës fituan jo pa vështirësi ndaj Granadës në “Camp Nou”, sfidë që u zgjidh nga një aksion model. Vidal dhuroi një asist me finte dhe Leo Messi konkretizoi nga brenda zonës.

Një rekord u shënua në këtë ndeshje, teksa Barcelona realizoi 1005 pasime. Setien uron lojtarët për fitoren, konfirmon rëndësinë e madhe të “Pleshtit” dhe e mbyll me një koment për rekordin e pasimeve.

U treguam të jashtëzakonshëm. Nuk është e thjeshtë kur kundërshtarët mbyllen dhe duhet të gjejmë gjithmonë alternativa të reja loje. Messi bëri atë që bën prej një jete. Kur ke Leon në ekip je më i qetë.

Rekordi? Do të doja të kishim luajtur më shpejt, por Granada na e uli shumë herë ritmin me faullet e shumtë që shkaktonte. Kam një objektiv fiks, Barcelona ime duhet të kontrollojë gjithmonë ndeshjen“, thekson Quique Setien. /abcnews.al

Setien-Barcelona.jpg
Igli Nikolli17:18 | 18/01/2020

Quique Setien do të debutojë nesër në stolin e Barcelonës. Katalanasit presin në shtëpi Granadën në “Camp Nou” dhe Setien dëshiron ta nisë me fitore. Trajneri ka folur qartë në konferencën për shtyp. Loja e bukur dhe ekuilibri i ekipit janë dy objektiva të tij, teksa nuk do të tolerojë asnjë lojtar që del jashtë pozicionit dhe detyrave taktike.

Kjo javë ka shkuar mbarë, më mirë seç e mendoja. Ka paqartësi se si do të përgjigjet ekipi kur shkon te një skuadër e re. Kemi punuar mirë, jam shumë i lumtur. Objektivi ynë është gjithmonë fitorja, por duam të luajmë bukur për t’u kthyer në shtëpi të lumtur. Do të tentoj gjithmonë që Barcelona të luajë bukur.

Rregulli është shumë i rëndësishëm për mua. Jo vetëm Vidal, por edhe lojtarë të tjerë kanë tendencën për të humbur pozicionin e tyre në fushë. Kjo gjë sjell rrëmujë dhe ne kemi nevojë për ekuilibër. Vidal ka mundësi për të luajtur njësoj si gjithë lojtarët e tjerë. Pres maksimumin nga të gjithë“, përfundon trajneri i Barcelonës. /abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono