Kancelari gjerman Olaf Scholz tha sot se “do të ishte mirë” që drejtësia britanike të mbronte themeluesin e WiliLeaks, Julian Assange nga ekstradimi në SHBA.
“Mendoj se do të ishte mirë nëse gjykatat britanike do t’i jepnin mbrojtjen e nevojshme, sepse ai pritet të ndiqet penalisht në SHBA duke qenë se ka nxjerrë sekretet shtetërore të SHBA-së”, theksoi Scholz.
Nëse ekstradohet në SHBA, Assange do të përballet me 175 vjet burg për zbulimin e më shumë se 700,000 dokumenteve të klasifikuara në lidhje me aktivitetet ushtarake dhe diplomatike të SHBA-së, veçanërisht në Irak dhe Afganistan, që nga viti 2010.
Gjykata e Lartë në Londër po shqyrton aktualisht një apelim të fundit nga avokatët e Assange, të cilët kërkuan të anulohej vendimi që dha dritën jeshile për ekstradimin e tij në SHBA.
/abcnews.al
