Juventusi do të rikthehet në fushë pas dy ditësh. Futbolli italian rinis me duelet e kthimit të gjysmëfinaleve të Kupës. Bardhezinjtë kanë barazuar 1-1 ndeshjen e parë në “San Siro” dhe të premten (ora 21:00) presin Milanin e Piolit.
Maurizio Sarri ka folur përpara kësaj sfidë, që do të përcaktojë skuadrën finaliste. Rregulli i ri parashikon kalimin e menjëhershëm te goditja e penalltive, nëse 90 minutat mbyllen me të njëjtin rezultat si të ndeshjes së parë.
“Ne jemi të impenjuar në tre fronte, mendoj se është avantazh ta nisim me Kupën e Italisë. Ndeshjet e këtij sezoni kundër Milanit, kanë qenë të vështira, si në kampionat dhe Kupë. Ata na kanë vënë shpesh në vështirësi.
Rezultati i ndeshjes së parë nuk garanton asgjë. Kuqezinjtë do të zbresin në fushë me një formacion konkurrues. Do të jetë një ndeshje e hapur“, thekson për Sky Sport trajneri i Juventusit. /abcnews.al
