Loading ...Në Sarandë, një 47-vjeçar është arrestuar në flagrancë pasi po kryente punime për ndërtimin e paligjshëm të një objekti në zonën e plazhit, në lagjen nr. 4.
Policia thotë se konstatoi pranë plazhit “Shqiponja” një sipërfaqe toke të sheshuar dhe të mbuluar me materiale ndërtimore, e cila po përgatitej për ndërtim me qëllim përfitimi.
Në përfundim të veprimeve hetimore, specialistët për Hetimin e Krimeve të Komisariatit të Policisë Sarandë arrestuan 47-vjeçarin, banues në Tiranë.
Gjatë operacionit u hoqën dhe u sekuestruan 48 shezlongë dhe çadra, të cilat administruesi i hapësirës së plazhit i përdorte pa leje.
Ndërkohë, specialisti i policimit në zonë u pezullua nga detyra dhe ndaj tij nisi procedimi disiplinor për shkelje të rëndë, pasi nuk kishte konstatuar paligjshmërinë/abcnews.al
