Në 16 maj, në Tiranë do të mbahet samiti i Komunitetit Politik Europian.
Përmes një postimi në rrjetet sociale, kryeministri Edi Rama shprehet se është krenari, që në zemër të Tiranës, do të bëhen bashkë liderët e të gjithë kontinentit.
“Mirëmëngjes dhe me krenarinë për faktin se në 16 maj, do të bëhen bashkë në zemër të Tiranës për Samitin e Komunitetit Politik Europian, liderët e të gjithë kontinentit tonë të demokracive, nga Londra në Kiev e nga Oslo në Ankara, ju uroj një ditë të mbarë”, shkruan Rama në Facebook.
Tematikat e samitit që do të mbahet në 16 maj janë:
-Siguria dhe qëndrueshmëria demokratike.
-Fuqizimi i konkurrencës dhe sigurisë ekonomike.
-Migrimi, lëvizshmëria dhe fuqizimi i rinisë.
-Vizioni, lidershipi, mënyrat e reja të veprimit për Europën në një botë të re./abcnews.al
