Loading ...
Rusia pretendon brenda dy javësh se do të miratojë vaksinën e parë kundër koronavirusit. Zyrtarët rusë kanë deklaruar se do të punojnë deri në 10 gusht, për aprovimin e vaksinës, shkruan CNN.
Bëhet fjalë për një vaksinë të zhvilluar nga Instituti Gamaleya në Moskë.
“Është një moment Sputnik”, deklaroi Kirill Dmitriev, i cili ndodhet në krye të një fondi sovran rus, i cili financon kërkimet për vaksinën, duke iu referuar lëshimit të satelitit të parë në botë në vitin 1957, nga ana e Bashkimit Sovjetik të asaj kohe.
“Amerikanët mbetën të befasuar kur dëgjuan për Sputnik, e njëjta gjë do të ndodhë edhe me vaksinën. Rusia do e bëjë e para”, deklaroi Dmitriev.
Sipas CNN, Rusia nuk ka shpërndarë asnjë të dhënë shkencore lidhur me testet e kryera për vaksinën dhe thuhet se është e pamundur deri më tani, të verifikohet në mënyrë të pavarur siguria apo efikasiteti i saj./abcnews.al
