Rusia ka dënuar vendimin e Danimarkës dhe Holandës për të dërguar avoionë luftarakë F-16 në Ukrainë, duke thënë se një vendim i tillë do të përshkallëzonte luftën.
Danimarka dhe Holanda njoftuan të dielën se do të furnizojnë Ukrainën me F-16, me gjashtë të parët që do të dorëzohen brenda Vitit të Ri.
“Fakti që Danimarka tani ka vendosur t’i dhurojë Ukrainës 19 avionë F-16, çon në një përshkallëzim të konfliktit.
Duke u fshehur pas një premise se vetë Ukraina duhet të përcaktojë kushtet për paqen, Danimarka kërkon me veprimet dhe fjalët e saj që të mos i lërë Ukrainës zgjidhje tjetër veçse të vazhdojë konfrontimin ushtarak me Rusinë,” than ë një deklaratë ambasadori rus, Vladimir Barbin.
Jakob Ellemann-Jensen, ministri i mbrojtjes i Danimarkës, tha se Ukraina mund të përdorë F-16-të e dhuruara vetëm brenda territorit të saj.
“Ne dhurojmë armë me kusht që ato të përdoren për të dëbuar armikun nga territori i Ukrainës. Dhe jo më shumë se kaq, “tha Ellemann-Jensen të hënën.
“Këto janë kushtet, qofshin tanke, avionë luftarakë apo diçka tjetër,” shtoi ai.
Danimarka do të dorëzojë gjithsej 19 avionë; Holanda ka gjithsej 42 F-16 në dispozicion, por ende nuk ka vendosur nëse të gjithë do të dhurohen.
/abcnews.al
