Edicioni i 7 – të i “Hemingëay jazz-fest nisi me ritmet e etno-jazit. Skena e instaluar në oborrin e Universitetit Politeknik u shndërrua në një festë të vërtetë të kësaj muzike.
Ashtu siç ishte lajmëruar, ritme etno- folk, veshur me të bardha, ngritën siparin e edicionit të 7 – të “Hemingëay jazz-fest”.
Kjo mbrëmje ishte konceptuar si homazh dedikuar 120-vjetorit të shkrimtarit Ernest Hemingëay. Organizatorët janë të lumtur që publiku i është bashkuar kësaj feste të muzikës jazz.
Vokalistja e grupit “Barcelona Gipsy Balkan Orchestra” shprehet e lumtur që zbuloi shqipërinë me pjesëmarrjen në këtë festival të veçantë.
Nata e parë iu dedikua etno-jazz, ndërsa nata e dytë i dedikohet muzikës funk, soul, e ku edhe kodi i veshjes është me i çlirët në forma dhe larmi ngjyrash.
Bandat e njohura në Evropë, si Rumba de Bodas, Opa Cupa, Ghiaçioli e Branzini e DJ Set, e ndezën atmosferën, ku të pranishmit kërcyen dhe festuan./ABC News Albania 24/7
