Ditën e sotme janë konfirmuar në vendin tonë 82 raste të reja me koronavirus. Prej tyre, dy raste janë regjistruar në Korçë.
Abcnews.al mëson se rastet e reja janë një 52-vjeçare dhe një punonjës i OSHEE. Ky i fundit mësohet të ketë qenë asimptomatik. Nuk dihet ende vatra e infektimit. Ndërkohë janë marrë tamponët e familjarëve dhe priten përgjigjet.
Kujtojmë këtu se dy raste janë konfirmuar edhe në Fier. Abcnews.al mësoi se dy rastet e reja janë të vatrës në Patos. Bëhet fjalë për bashkëshortin e gruas 50-vjeçare që është infektuar më herët, dhe nusja e djalit.
Po ashtu mësohet se, nga 4 persona në këtë familje, vetëm mbesa është negative për Covid-19. Dyshohet se virusi është marrë nga nusja që shoqëroi të atin ne QSUT, ku ai ndodhej i shtruar para disa ditësh.
Nusja është infermiere në urgjencën e spitalit të Fierit ,por ka qene me leje për shkak të sëmundjes së të atit. /abcnews.al/
