Rama: Unë e bëra timen për 21 Janarin, tani e ka fjalën drejtësia, Gërdeci u rihap

schedule10:20 - 21 Janar, 2022

schedule 10:20 - 21 Janar, 2022

Sot është shënuar 11 vjetori i protestës së përgjakshme të 21 janarit të vitit 2011 ku mbetën të vdekur katër qytetarë. Paraditen e sotme kryeministri Edi Rama i shoqëruar nga familjarët e katër viktimave bëri homazhe duke vendosur lule në bulevard në vendin ku dhanë frymën e fundit protestuesit. Por, komentuesit në faqen e tij në Facebook i kanë kërkuar llogari për drejtësinë e munguar. Kryeministri shprehet se “ato që i takonin, i ka bërë” dhe se tani fjalën e ka drejtësia e re.

Disa nga përgjigjet e Edi Ramës për komentuesit

Mbase nuk e ke ndjekur, po ne e kemi shkarkuar presidentin ne parlament,, me votim,, mirepo Kushtetuta e kerkon qe fjalen e fundit ta kete Gjykata Kushtetuese, keshtu qe ne e thame ate qe beme dhe e beme ate qe thame, ndersa per sa i perket drejtesise per Gerdecin, mbase as kete ceshtje s’ke pasur mundesi ta ndjekesh, por eshte rihapur hetimi nga drejtesia e re tanime

Nuk procedon penalisht as qeveria, as kryeministria o mik, po drejtesia! Dhe drejtesia e re eshte ende ne formim e siper, keshtu qe ndryshimi eshte se pa Reformen ne Drejtesi nuk kishim asnje shprese, sepse drejtesia ishte toke e djegur, ndersa sot fara e drejtesise se re eshte hedhur e po mbin dalengadale! Me fjale te tjera duhet durim edhe pse durimi eshte mall i rralle ne anet tona

Lexo edhe: 21 janari, Rama dhe familjarët e 4 viktimave zhvillojnë homazhe në përkujtim të tyre

I kam bere une te gjitha ato qe me takonin, edhe Reformen ne Drejtesi edhe perkujdesjen per familjet sipas mundesive, sepse nuk jemi ne vitin 1945 kur partia e qeveria benin edhe gjyqet, keshtu qe duhet durim e besim, nuk ka rruge tjeter, pertej fjaleve qe thuhen kollaj!

Une nuk pergjigjem per 30 vjet, po vetem per vitet e mia ne qeveri dhe po ta perseris, po te ishin bere keto reforma 20 vjet me pare do flisnim ndryshe sot, keshtu qe njesoj si me femijen qe nuk rritet me zor se nuk ke durim ta degjosh kur qan, po do durosh e do punosh me te vit pas viti derisa te rritet, edhe me shtetndertimin e me drejtesine sidomos, eshte e njejta gje

Duhet ende kohe qe Reforma ne Drejtesi te jape te gjitha frytet e saj, sepse u be vetem para pak vitet se po te ishte bere qe ne vitet 90 do flisnim ndryshe fare sot! Drejtesia ne demokraci nuk behet me suste, s’jemi ne vitin 1945, kemi nderruar sistem, nuk e ben kryeministri as partia drejtesine lavdi Zotit, prandaj duhet durim sepse ato vendet me drejtesi qe shohim ne, kishin sistem drejtesie te drejte kur ne s’ekzistonim fare si shtet!

11 vite më parë u ekzekutuan në bulevard Aleks Nika, Ziver Veizi, Faik Myrtaj dhe Hekuran Deda.

/ Abcnews.al