Kryeministri Edi Rama nuk e konsideron një vendim te nxituar ndalimin e TikTok për një vit në Shqipëri.
Ne një përgjigje ndaj reagimit te platformës kineze Rama thekson se vendimi është një përgjigje e arsyeshme ndaj shqetësimeve të prindërve për ndikimin negativ të kësaj platforme mbi fëmijët dhe adoleshentët.
“Ndalimi i TikTok për një vit në Shqipëri nuk është një reagim i nxituar ndaj një incidenti të vetëm, por një vendim i marrë me kujdes në konsultim me komunitetet e prindërve në shkollat anembanë vendit. Të pretendosh se vrasja e djalit adoleshent nuk ka asnjë lidhje me TikTok sepse konflikti nuk filloi në platformë tregon një dështim për të kuptuar seriozitetin e kërcënimit që TikTok paraqet për fëmijët dhe të rinjtë sot dhe arsyetimin pas vendimit tonë për të marrë përgjegjësinë për trajtimin e këtij kërcënimi.”, shprehet kryeministri.
Rama thekson se Shqipëria, si një vend demokratik, ka marrë këtë vendim duke u bazuar në kërkesat e shumicës së prindërve, të cilët shprehin shqetësimin për sigurinë dhe shëndetin e fëmijëve të tyre në këtë platformë. Sipas kryeministrit Shqipëria nuk ka pse ti jape sqarime platformes kineze, por e ka bere te qarte vendimin”
“TikTok nuk ka arsye të kërkojë sqarime nga Shqipëria, sepse në Shqipëri janë shqiptarët ata që marrin vendimet dhe jo pronarët e algoritmit të TikTok. Ndërsa Shqipëria mund të jetë shumë e vogël për të kërkuar që TikTok të mbrojë fëmijët dhe të rinjtë nga grackat e frikshme të algoritmit të tij, ne sinqerisht shpresojmë që TikTok ta marrë këtë hap për të mirën e njerëzimit, përfshirë Shqipërinë. Vendimi ynë nuk mund të ishte më i qartë: Ose TikTok mbron fëmijët e Shqipërisë, ose Shqipëria do t’i mbrojë fëmijët e saj nga TikTok”, thotë Rama.
/abcnews.al/
