Rama takim me naftëtarët në Fier, diskutohet ndihma financiare

schedule16:59 - 13 Nëntor, 2020

schedule 16:59 - 13 Nëntor, 2020

Kryeministri Rama do të takojë sot përsëri përfaqësinë e naftëtarëve në qytetin e Fierit, pas marrëveshjes së arritur mes tyre disa ditë më parë, pas grevës së urisë së grave naftëtare, e cila zgjati gati një muaj.

Mësohet se takimi do të mbahet rreth orës 17:00 në ambientet e bashkisë së qytetit.

Komisioni i Ekonomisë këtë të premte ka diskutuar buxhetin 2021, ku një ndër temat kanë qenë dhe naftëtarët e Ballshit.

Drejtoresha e Buxhetit në Ministrinë e Financave, Mimoza Dhëmbi ka bërë me dije se 560 mln lekë nga buxheti, do shkojnë si ndihmë për pagesën e naftëtarëve.

Naftëtarët e Ballshit u futën në grevë urie disa kohë më parë, pasi nuk kishin marrë pagat e prapambetura nga kompania.

Ata kërkuan të merrnin pagesat dhe njëkohësisht që Uzina të vijonte punën.

Ndërprerja e grevës së tyre erdhi pas thirrjes së kryeministrit Rama për të mos vazhduar më tej sakrificën, dhe të uleshin në bisedime për gjetjen e një zgjidhje të situatës.

n.d./abcnews.al