Kryeministri Edi Rama ka njoftuar se ditën e sotme ka nisur dhënia e granteve të rikonstruksionit dhe riparimit të banesave individuale në Bashkinë Kamëz, të dëmtuara nga tërmeti i 26 nëntorit.
Rama tha se janë 771 familje që përfitojë nga këto grante për riparimin e shtëpive të tyre.
“Nis dhënia e granteve të rikonstruksionit dhe riparimit të banesave individuale në Bashkinë Kamëz, të dëmtuara nga tërmeti i 26 nëntorit.
771 familje, përfitojnë drejtpërsëdrejti pagesat e granteve për riparimin e dëmeve të shtëpive të tyre në Kamëz.
Qeveria do të paguajë një për një të gjithë banorët në nevojë për riparime të dëmeve të tërmetit”, u shpreh Rama./abcnews.al
