Kryeministri Edi Rama edhe këtë vit ka zgjedhur Elbasanin për të festuar ditën e verës, e cila përkon edhe me axhendën dy ditore të qeverisë që zgjodhi këtë qark për të mbledhjen e radhës.Kreu i qeverisë siguroi kryebashkiakun e Elbasanit se po punohet për të siguruar më shumë punësim e mirëqënie por që të realizohen duan kohën e tyre.
Dita e verës e ka gjetur në Elbasan kryeministrin Edi Rama. Lulet që i dhuruan kreu i qeverisë ia shpërndau grave që e rrethonin.
Kryeministri vizitoi panairin që zhvillohet çdo vit në 14 mars ku ekspozohen edhe produktet tradicionale shqiptare. Më së shumti I përngjante takimesh ku nuk munguan edhe puthjet e duarve të kryetarit të qeverisë.
Elbasani ka ndryshuar, por akoma më shumë do të tjetërsohet vuri në dukje kryeministri Rama.
“Ka filluar të mos mbahet dot mend që kur kemi ardhur në Elbasan për Ditën e parë të Verës, por mbaj mend shumë mirë si ka qenë Elbasani, përsëri edhe këtë vit shquhen ndryshimet e rëndësishme nga viti i kaluar, të tjera do të ndodhin, do t’i bëjmë të ndodhin. Dhe ajo që është më e rëndësihme është të fuqizojmë vazhdimisht mundësitë e njerëzve për të pasur më shumë punësim, për të pasur më shumë ekonomi, për të pasur më shumë siguri për të nesërmen.”
Ai i siguroi qytetarët e Elbasanit se të gjitha këto do të realizohen por në kohën e mundur.
“Hap pas hapi, çdo ditë diçka po bëhet në funksion të një të nesërme që do të shkëlqejë si kjo ditë vere”./abcnews.al
