Kryeministri Edi Rama është pritur me parrulla kundër tij e qeverisë në Elbasan e Cërrik ku ndodhet për të zhvilluar turin e radhës së llogaridhënies publike. Por policia nuk ka lejuar tubimin e organizuar nga të rinjtë e Forumit Rinor të Partisë Demokratike.
Llogaridhënien e artikuluar nga Kryeministri Edi Rama e kuptojnë ndryshe demokratët e Elbasanit.
Me parrulla në duar dolën ta presin në rrugën ku ata ishin informuar se do të kalonte kreu i qeverisë. Por policia nuk ishte dakort.
Ndalesë i bënë edhe punonjësit e gardës.
Për deputetin e Partisë Demokratike të Luciano Boçi kryeministri Edi Rama nuk është i mirëpritur në Elbasan jo vetëm për inceneratorët që e kanë ndotur më shumë qytetin tha ai por edhe për hapjen e një panairi pune të cilin ai e quan tallje me elbasanllinjtë.
Të rinjtë demokratë kanë vazhduar të hedhin parrulla kundër qeverisë edhe në takimin që kryeministri zhvilloi në Cërrik.
Përgjigjen ua dha kreu i grupit parlamentar socialist Taulant Balla
Balla tha se socialistët janë të hapur ti mirëpresin në sallën e kuvendit për të debatuar e për të gjetur zgjidhje por është opozita që ka zgjedhur facebookun tha ai në vend të përballjes me argumenta. /abcnews.al
