Kryeministri Edi Rama ka ndjekur nga afër procesin e vaksinimit të artistëve, aktorëve dhe jo vetëm për Covid-19.
Ditën e sotme do të vaksinohen 24 personalitete të njohura për publikun.
“Një pjesë e personave janë të moshuar shumë të njohur dhe një pjesë tjetër të sjellë nga mjekë të familjes. Ky proces do të fillojë pa ndërprerje dhe kohëzgjatja do të varet nga doza që do të kemi në dispozicion.
Më vjen keq për reagimin e disa pseudo personaliteteve. Këta njerëz që vaksinohen janë të gjithë në kategorinë e 80-vjeçarëve dhe fakti që nis me një numër shumë modest është një shprehje shumë e sinqertë dhe e kuptueshme e një përkujdesjeje për këta njerëz që nuk duhet të presim të ndahen nga jeta për t’i dhënë dekorata që tani është bërë trend qesharak në Presidencën e Republikës. Këtu nuk bëhet fjalë për diferencim”, tha Rama.
/abcnews.al/
