Loading ...
Radhë kilometrike janë krijuar në segmentin Morinë-Kukës ditën e sotme.
Mësohet se arsye për fluksin janë qytetarët e Kosovës, pasi vendi që nga 20 gushti ka nisur aplikimin e masave të reja për parandalimin e përhapjes së variantit Delta të koronavirusit.
Shkak tjetër për fluksin është edhe 10-ditëshi i fundit i sezonit turistik. Po ashtu, kthimi nga vendlindja pas pushimeve i emigrantëve nga Kosova, në vendet e BE ku jetojnë e punojnë si dhe rruga e ngushtë tek kthesa e Urës së Drinit të Zi, pranë kantierit ku po punohet për ndërtimin e urës së re, të Rrugës së Kombit.
Ndërkohë, policia rrugore e Kukësit është duke orientuar drejtuesit e mjeteve. Fluksi i automjeteve është shumë i madh pasi vargu i lëvizjes së mjeteve të vogla dhe autobusëve nuk ka të ndalur.
Kjo situatë në këtë segment ka qenë prezentë çdo ditë të gushtit, sidomos gjatë fundjavës. /abcnews.al/
