Është padyshim një prej lotjarëve më të kompletuar sa i përket trofeve të fituar, por edhe ndër më të talentuarit e momentit. “Ylli” argjentinas i “Qytetarëve” të Manchester City, Julian Alvarez është kthyer në një prej emrat më të lakuar në këtë merkato veres, ku prej kohësh tashmë pas tij janë vënë “gjigantët” e Spanjës, Barcelon e Atletico Madrid, por nuk mbaron me kaq.
Sipas raportimeve më të fundit të mediave, për kartonin e 24-vjeçarit tashmë në garë kanë hyrë edhe “kollosët” francezë, të Paris Saint-Germain, me drejtorin sportiv të “Kuqebluve”, Luis Campos, që pritet të nisë së shpejti negociatat me “Qytetarët” anglezë, për tranferimin në “Parc des Princes”, të argjentinasit, i cili shihet si zëvendësuesi perfekt i Kylian Mbappe.
Ndërkaq, kujtojmë se sezonin që sapo lamë pas, Julian Alvarez ka zhvilluar plot 54 paraqitje, me fanellën e Manchester City, ku ka arritur të shënojë plot 19 gola, si dhe të asistojë shokët e tij të skuadrës, në 13 raste të tjera e sa i përket trofeve veëm edicion e shkuar ka arritur të fitojë Superkupën e Evropës, Botërorin e Klubeve, si dhe trofeun e dytë të Premier League. /i.m /abcnews.al
