TIRANË– Ka përfunduar numërimi i votave të Diasporës për subjektet politike në 12 qarqe. Qarku i fundit i cili u numërua ishte Korça.
Nga rezultatet, Partia Socialiste ka konfirmuar mandatin e gjashtë në këtë qark, ndërkohë Partia Demokratike ka mbetur me katër mandate.
Procesi i numërimit të votave për partitë politike në këtë qark zgjati dy ditë.
Nga numërimi i vullnetit të Diasporës nuk pati asnjë ndikim për ndryshim mandatesh në asnjë prej partive politike.
Ndërkohë më herët, gjatë kësaj të shtune, përfundoi numërimi për votat e Diasporës së qytetit të Elbasanit ku PS ruajti 10 mandate dhe PD 4 mandate.
Gjithashtu edhe në Vlorë, PS konfirmoi mandatin e saj të nëntë ndërsa PD mbeti me 3 mandate./abcnews.al
