Protestë në Qafë Botë, komuniteti etnik grek kërkon hapjen e pikës doganore

schedule13:18 - 11 Tetor, 2020

schedule 13:18 - 11 Tetor, 2020

Komuniteti etnik grek po zhvillon një protestë në pikën kufitare të Qafë Botës.

Burime për Abc News bëjnë me dije se protestuesit kërkojnë që të hapet kjo pikë kufitare e cila po qëndron e mbyllur që nga muaji korrik.

Ndërkohë fillimisht kjo doganë u hap për transportimin edhe kalimin vetëm të mallrave, ndërsa më vonë u mbyll edhe për kalimin e mallrave dhe atë të shtetasve.

Pjesëmarrësit në këtë protestë janë nga të 4 bashkitë e jugut Sarandë, Delvinë, Finiq, Konispol në një tubim paqësor me qëllimin që edhe dogana e Qafë Botës të funksionojë si dogana e Kakavijës.

Njëkohësisht në doganën e Mavromatit janë mbledhur qytetare të Igumenices, Sajanës dhe rrethinave të shoqeruar nga kryetari i bashkisë se Igumenicës Janis Lolos./abcnews.al