Në orën 19:00 Partia Demokratike ka thirrur sot protestë kombëtare, kundër qeverisë. Ndërkohë, që demokratët do të mbledhin qytetarët poshtë zyrës së kryeministrit, ky i fundit nuk ndodhet në Tiranë.
Mësohet se pikërisht në orën 19:00 kur dhe nis protesta, kreu i qeverisë ndodhet në Vlorë. Rama do të marrë pjesë në inaugurimin e Bypass-it të Vlorës, i cili hapet plotësisht, raporton abcnews.al.
Pak ditë më parë Rama njoftoi se Bypass-i do të hapej në datën 9 korrik, por tashmë është vendosur për t’u inauguruar, sot më 7 korrik. Më 16 korrik 2021, u bë fillimisht inaugurimi i pjesshëm i këtij aksi. g.v/abcnews.al
