Portugezi i ka bindur të gjithë te Milani, zbulohet oferta për United

schedule21:49 - 31 Janar, 2021

schedule 21:49 - 31 Janar, 2021

Diogo Dalot është një nga përforcimet që bëri Milani verën e kaluar. Kuqezinjtë arritën akordin me Manchester United për huazimin e mbrojtësit të djathtë për një sezon në Milanello.

21-vjeçari numëron 16 ndeshje me ekipin italian këtë sezon, teksa ka shënuar dhe një gol në Europa League. Paraqitjet e portugezit kanë qenë pozitive dhe Milani është bindur të blejë kartonin e tij.

The Sun raporton se dyshja Maldini-Massara kanë gati një ofertë prej 17 milion eurosh për United. Klubi anglez është në dilemë, sidomos pas rendimentit të mirë të Dalot tek ekipi i Piolit. /abcnews.al