Plani i Realit për janarin, Perez tenton goditjen e dyfishtë

schedule09:05 - 14 Tetor, 2019

schedule 09:05 - 14 Tetor, 2019

Merkato e janarit është specifike dhe nuk dhuron shumë alternativa, por Reali i Madridit pritet ta shfrytëzojë në maksimum. “Los Blancos” do të ndërhyjnë në këtë seksion për të përforcuar kontingjentin e ekipit të Zidane.

Spanjollja Sport raporton se Reali po mendon një goditje të dyfishtë. Të dëshiruarit janë pjesë e Ajaksit, që mund të marrë së shpejti një ofertë tunduese. Flasim për Donny Van De Beek dhe Hakim Ziyech.

Ziyech dhe Van De Beek

Për të parin pati një interesim edhe në verë, por asgjë konkrete. Spanjollëve u pëlqen shumë edhe marokeni, i cili kryen çdo rol në repartin ofensiv. Kontrata e të dyve me “Harkëtarët” përfundon në vitin 2022 dhe Ajaksi vështirë që të heqë dorë nga ta në mes të sezonit. Gjithsesi, kampionët e Holandës nuk mund të bëjnë asgjë përballë milionave të 13 herë kampionëve të Evropës. /abcnews.al