SHKODËR- Policia e Shkodrës ka dhënë detaje për plagosjen me armë zjarri në Postribë, mbrëmjen e kësaj të marte.
Sipas bluve të Shkodrës, pas një sherri për motive të dobëta, është plagosur me armë zjarri në këmbë Çel Shabaj, 43 vjeç, i cili ndodhet në kujdesin e mjekëve, jashtë rrezikut për jetën.
Autori i dyshuar i kësaj ngjarjeje është Kristian Kakia. Ky i fundit është vënë në pranga tashmë bashkë dy perSona të tjerë, të dyshuar si të përfshirë në ngjarje.
Policia gjeti e sekuestroi në cilësinë e provës materiale armën e zjarrit pistoletë me të cilën dyshohet se u plagos 43-vjeçari.
Autoritetet theksojnë se ndërhyrja në kohë e forcave “Shqiponja” parandaloi përshkallëzimin e konfliktit me armë zjarri./ abcnews.al
