Çifti i bashkëshortëve, Asije dhe Ahmet Stafa kanë rrahur njëri-tjetrin me sende të forta, bëri me dije policia.
Ngjarja ndodhi rreth orës 10:40 të paradites së sotme në lagjen nr.11 në Durrës.
78-vjeçari dhe bashkëshortja e tij, Asije Stafa, 74-vjeç, pas një konflikti për motive të dobëta, kanë goditur njëri-tjetrin me sende dhe objekte të forta, thuhet në njoftimin e policisë.
Lexo edhe: Gruaja tenton të vrasë me thikë burrin në Durrës, momenti kur i moshuari merret nga ambulanca i gjakosur në kokë
Për pasojë, të dy këta shtetas ndodhen në spital, nën kujdesin e mjekëve.
Grupi hetimor ndodhet në vendngjarje dhe po punon për sqarimin e rrethanave të ngjarjes.
Durrës/Informacion paraprak
Rreth orës 10:40, në lagjen nr.11, Durrës, shtetasit A. S., 78 vjeç dhe A. S., 74 vjeçe (bashkëshortë), pas një konflikti për motive të dobëta, kanë goditur njëri-tjetrin me sende dhe objekte të forta. Për pasojë, të dy këta shtetas ndodhen në spital, nën kujdesin e mjekëve.
Grupi hetimor ndodhet në vendngjarje dhe po punon për sqarimin e rrethanave të ngjarjes.
/Abcnews.al/
