Policia ka arrestuar një 17-vjeçar pasi ka plagosur me thikë për motive të dobëta një tjetër person në lagjen ”Uji i Ftohtë” në Vlorë.
Sipas policisë i arrestuari me iniciale S.S., 17 vjeç, ka debatuar dhe është konfrontuar për motive të dobëta me shtetasin D.Sh., 23 vjeç, duke e goditur këtë të fundit tre herë me thikë.
Shtetasi D.Sh., ka marrë mjekimin e nevojshëm në Spitalin Rajonal të Vlorës dhe ndodhet jashtë rrezikut për jetën.
Materialet hetimore iu referuan Prokurorisë Vlorë ndaj 17-vjeçarit, për veprën penale ”Plagosje e rëndë me dashje”, të parashikuar nga neni 88 i Kodit Penal./abcnews.al
