18 ditë tipike të vjeshtës së artë në Tiranë i ka derdhur në penelata shumëngjyrshe piktori Gjergj Meta. Në ekspozitën “Urban Vjeshte“ ai sjell anën poetike që të ofron vjeshta në kryeqytet.
Këndet e ndryshme të Tiranës në periudhë vjeshte i kanë shërbyer si motiv frymëzimi piktorit Gjergj Meta, i cili mbetet një dashnor i kësaj stine.
Shiu dhe gjethet e vjeshtës mbi makina dhe tokë qëndrojnë në qendër të 18 punimeve të krijuara në 18 ditët tipike të vjeshtës së artë në kryeqytet.
Piktori përmes ngjyrave dhe motiveve përpiqet të sjellë anën e ngrohtë dhe poetike të kësaj stine.
Punët e prezantuara në këtë ekspozitë janë të gjitha në teknikën e vajit./abcnews.al
