Pesë ndeshje dhe asnjë gol, ish-sulmuesi i Juventusit mërzitet në Katar

schedule17:05 - 5 Korrik, 2020

schedule 17:05 - 5 Korrik, 2020

Ish-sulmuesi i Juventusit, Mario Mandzukic, ka zbuluar se çfarë do të ndodhë me të ardhmen e tij në Katar. Kroati me anë të një postimi në “Instagram”, ka lajmëruar se ai nuk është më pjesë e ekipit të Al-Duhail.

34-vjeçari shkruan se palët kanë rënë dakord mes tyre për të prishur kontratën në mënyrë konsensuale si dhe i uron suksese klubit dhe ekipit në të ardhmen. Gjithashtu Mandzukic vlerëson respektin dhe pritjen që i është bërë në Katar.

Kroati shkroi: “Kam arritur një marrëveshje me Duhail që të ndërpres kontratën time me dakordësi. E vlerësoj shumë besimin dhe mikpritjen që mora këtu në Katar dhe i uroj më të mirat klubit për të ardhmen”.

Bomberi luajti vetëm pesë ndeshje me Al-Duhailin, pa arritur ta gjejë rrugën e rrjetës. Ende nuk dihet se cili do të jetë destinacioni i tij i radhës, ku në ditët në vijim pritet një lajmërim tjetër nga sulmuesi. /abcnews.al