Loading ...
Janë përuruar këtë të hënë mjediset e reja të GJKKO.
Kryetari i GJKKO, Erion Bani theksoi se infrastruktura e gjykatës nuk është luks, por një domosdoshmëri dhe një përgjegjshmëri institucionale.
Sipas tij investimi në mjediset e reja synon të përmirësojë kushtet e punës për gjyqtarët dhe administratën, si edhe të garantojë standarde më të larta sigurie dhe funksionaliteti për proceset gjyqësore.
“Pas më shumë se 15 vitesh u bë e qartë nevoja për një ndërhyrje strukturore. Sot shënojmë ngritjen e një standardi të ri për gjykatën e posaçme, një gjykatë më moderne e më profesionale. Është një gjykatë ku ligji merr jetë dhe mesazhi kryesor është i qartë, drejtësia është për qytetarin. Ambientet ku jepen drejtësi është një element thelbësor dhe transmeton mesazhin te qytetari se respektohet”, ka thënë ai.
/abcnews.al/
