Përplasen dy trena në Sllovaki, raportohet për disa të lënduar

Dy trena u përplasën në Sllovaki duke lënë dhjetëra pasagjerë të plagosur, tha policia.

Aksidenti ndodhi në linjën hekurudhore midis kryeqytetit Bratislavë dhe qytetit Pezinok.

Raportet paraprake konfirmuan se asnjëri prej trenave nuk doli nga shinat pas përplasjes.

Trafiku hekurudhor në të dy drejtimet u pezullua ndërsa autobusët u dërguan në vendngjarje për të evakuuar pasagjerët.

Sipas raporteve të mediave lokale që citojnë Ministrinë e Brendshme, 11 persona të plagosur në aksident u dërguan në spital për trajtim.