sllovaki

Skriniar-Hamsik-e1584974619749.png
Igli Nikolli15:34 | 23/03/2020

Sllovakia ka zgjedhur futbollistin më të mirë të sezonit. Federata në bashkëpunim me të përditshmë Pravda ia kanë dhuruar këtë çmim Milan Skriniar. Mbrojtësi i Interit triumfoi me 344 vota dhe tha këto fjalë pas suksesit të arritur.

Më vjen keq që ceremonia e ndarjes së çmimeve nuk mund të zhvillohet këtë vit, por në këtë periudhë, për fat të keq, nuk është e mundur. Jam shumë i lumtur për këtë çmim, falënderoj ata që më kanë mbështetur, nga familja te tifozët, dhe njerëzit që votuan për mua.

Vitin e kaluar, Lobotka tha se vetëm në momentin që Hamsik të shkonte në Kinë, një lojtar tjetër përveç tij mund ta fitonte këtë çmim. Shpresoj që Marek të mos jetë zemëruar me mua. Shëndeti është gjëja kryesore këto ditë, kështu që le të qëndrojmë në shtëpi dhe të kujdesemi për veten”, deklaron mbrojtësi 25-vjeçar. /abcnews.al

skynews-presov-gas-explosion_4859367-770x433.jpg
in a07:16 | 08/12/2019

Një shpërthim gazi në një bllok banesash në Sllovakinë lindore ka shkaktuar vdekjen e shtatë personave.

Zjarrfikësit vazhdojnë të kërkojnë në ndërtesën e qytetit të Presovit një person që ende është i humbur. Departamenti shtetëror i zjarrit njoftoi se numri i viktimave të konfirmuara arrin në shtatë ndërsa një person rezulton i humbur.  “Në përgjithësi, supozojmë se numri i viktimave në vend është tetë, shtatë të konfirmuara”, thuhet në njoftimin e departamentit shtetëror të zjarrit.

Shpërthimi ndodhi në majë të ndërtesës 12-katëshe, pothuajse gjysma e ndërtesës ishte e përfshirë në flakë dhe tre katet e larta u shkatërruan. Zyrtarët thanë se 40 persona ishin lënduar. Komandanti i  forcave zjarrfikëse, Jan Golias tha: “Zjarrfikësit nuk ishin dakord me ndryshimet e ndërtimit të bëra në vitin 2017. Disa rregullore u shkelën. Kjo mund të ketë shkaktuar rrëzimin e shkallëve, ku ne nuk mund të evakuonim banorët”.

Ndërkohë kryeministri i Sllovakisë Peter Pellegrini tha se ndërtesa është aq e dëmtuar sa mund të shkatërrohet. Banorët në ndërtesat aty pranë u evakuan dhe qëndruan nëpër shkolla./abcnews.al

edi-rama-bratisllave.jpg
nev ila14:30 | 06/12/2019

Kryeministri Rama ndodhet në Sllovaki bashkë me Ministrin e Jashtëm Gent Cakaj për të marrë drejtimin e OSBE-së.

Rama paraditen e sotme ka postuar një video, para fillimit të  mbajtjes së  fjalës për marrjen e kryesisē sē OSBE për vitin 2020, teksa diskuton me këshilltarin e tij për mediat, Endri Fugën, në lidhje me fjalën që do të mbajë, në prani të të gjithë vendeve të tjera, të cilat do të jenë nën kryesimin e Shqipërisë këtë vit.

“Nder dhe pērgjegjësi e madhe drejtimi i kësaj organizate ndërkombëtare të dorës së parë, si edhe mundësi e jashtëzakonshme për ta bërë Shqipërisë të shkēlqejë në krye të punëve të mëdha e të sfidave të posaçme të OSBE”, shkruan Rama në rrjetet sociale.

Në fjalën e mbajtur përpara ministrave të OSBE-së, përfaqësues të 57 vendeve,  tij, kryeministri Edi Rama e konsideroi një moment historik dhe inspirues për vendin.

Ne kemi marrë vendim për sa i përket të ardhmes së vendit tonë sesi e shohim të ardhmen në vitet e ardhshme, shpresoj te iniciativa jonë me partnerët për të vijuar bashkëpunimin. Ka shumë vendime kyçe me të cilat ne nuk kemi marrëveshje të qëndrueshme. Ka në fakt shumë çështje që kanë të bëjnë jo vetëm me termat e politikës, por edhe sigurisë. Shohim edhe në këtë tryezë ka qasje të ndryshme. Do të bëjmë të pamundurën për të parë përpara. Ky është një moment historik dhe inspirim për vendin tonë. Kjo lidhet me marrëdhëniet e mira me anëtarët dhe mikpritje që karakterizon Shqipërinë. Edhe një tjetër element i rëndësishëm i Shqipërisë është harmonia fetare. Marrja e Presidencës, është një hap i jashtëzakonshëm.” u shpreh Rama ndërsa veçoi disa nga objektivat e Shqipërisë në kryesimin e OSBE.

“Do të fokusohemi duke implementuar së bashku koordinimin e të gjitha politikave tona për të rritur kredibilitetin tonë. Nëse doni paqe në Europë duhet të implementohen edhe elementë të tjerë. Duke monitoruar zgjedhjet dhe mbështetur reformat, puna e OSBE-së ka qenë ngushtësisht e lidhur me njerëzit. Papa Françesku bëri vizitën e tij të parë në Shqipëri , në vendin e tolerancës fetare, në vendin e ku u strehuar hebrenjtë gjatë luftës së Dytë Botërore. Duke vendosur rekordin që asnjë hebre nuk iu dorëzua gjermanëve. Do të vazhdojmë dialogun. Për sa i përket edhe vijimit të dialogut, kjo është e vetmja mënyrë për të rindërtuar besimin mes nesh. Korrupsioni dëmton prosperitetin e të gjithë rajonit, së bashku me kërcënimet e tjera. Do të luftojmë korrupsionin. Nder dhe përgjegjësi e madhe drejtimi i kësaj organizate ndërkombëtare të dorës së parë, si edhe mundësi e jashtëzakonshme për ta bërë Shqipërisë të shkëlqejë në krye të punëve të mëdha e të sfidave të posaçme të OSBE. “ tha Rama.

boli2.jpg
in a13:27 | 14/11/2019

Në një aksident rrugor në jug të Sllovakisë kanë humbur jetën 12 studentë, nga të cilët katër ishin minorenë. 15 të tjerë kanë mbetur të plagosur, tre prej të cilëve janë në gjendje kritike për jetën. Sipas mediave sllovake, drejtuesi i një kamioni të ngarkuar me gurë, humbi kontrollin e mjetit dhe u përplas me autobusin e studentëve. Ky është aksidenti rrugor më i rëndë që ka ndodhur në Sllovaki që nga viti 1995, kur një autobus çek theu një barrierë sigurie në verilindje të vendit duke rënë nga një lartësi prej 25 metrash në humnerë ku edhe 15 persona humbën jetën./abcnews.al

aksident-sllovaki.jpg-1.jpg
ger ta21:57 | 13/11/2019

Të paktën 12 persona humbën jetën dhe 17 të tjerë u plagosën pasi një autobus u përplas me një kamion në Sllovaki ditën e sotme.

Sipas mediave vendase autobusi po transportonte nxënës të shkollave të mesme.

Ministri i Shëndetësisë Andrea Kalavska, i cili ishte në vendngjarje, tha se katër nga viktimat ishin fëmijë, por nuk i bëri me dije moshat e tyre.

Aksidenti ndodhi në Nitranske Hrnciarovce, rreth 100 kilometra në lindje të kryeqytetit Bratislavë.

“Në këtë moment, mendimet tona janë me prindërit që kanë humbur fëmijët e tyre,” tha Presidentja sllovake Zuzana Caputova. “Ne të gjithë shpresojmë që numri i viktimave të mos rritet.”

Kryeministri sllovak Peter Pellegrini e quajti ngjarjen një “tragjedi të tmerrshme”./abcnews.al

demiri-1280x903.jpg
Vladimir Prenga10:46 | 30/10/2019

Besir Demiri u largua në verë nga Mariupol në Ukrainë dhe tashmë është pjesë e Zilina në Sllovaki. Mbrojtësi i majtë, i cili la Maqedoninë e Veriut për Shqipërinë, është një nga lojtarët kryesorë të skuadrës sllovake dhe në fundjavë ka shënuar një gol të çmendur.

View this post on Instagram

?⚽️✔️

A post shared by Besir Demiri (@besirdemiri23) on

Paraqitja e tij është vlerësuar pozitivisht dhe Demiri është përzgjedhur në formacionin më të mirë të jaës së 13-të në “Fortuna Liga”. Zilina fitoi ndaj Spartak Trnava pikërisht me golin e mbrojtësit shqiptar.

Tre pikët e marra ishin shumë të rëndësishme për Zilina, që renditet në vendin e dytë në kampionat me 30 pikë, dy më pak se kryesuesit e Slovan Bratislava. Sa i takon Demirit, ai i ka luajtur të gjitha ndeshjet si titullar deri më tani dhe pret që të rikthehet sërish në kombëtare. /abcnews.al

Arrestohen-foto-780x439.jpg
ent ela22:45 | 23/09/2019

Autoritetet sllovake po çojnë drejt fundit hetimet mbi vrasjen e gazetarit investigativ Jan Kuçiak, që denoncoi aferat korruptive të qeverisë. Mes 5 personave te dyshuar është edhe një biznesmen i njohur për lidhje të ngushta me politikën.

Policia në Sllovaki ka përfunduar pjesën më të madhe të hetimeve mbi vrasjen e gazetarit Jan Kuçiak dhe të fejuarës së tij vitin e kaluar. Lajmin e ka bërë të ditur avokati i familjes së vajzës së vrarë për agjencinë e lajmeve “Reuters”. Çështja vazhdon të trondisë Sllovakinë në një kohë kur vendi ndodhet përpara zgjedhjeve të përgjithshme që mbahen në shkurt të 2020-s. Pesë persona të akuzuar për vrasjen dhe familjiet e dy viktimave do të njihen me dosjen hetimore dhe do t’u jepet mundësia të propozojnë futjen e provave shtesë. Një prokuror i posaçëm që po mbikëqyr çështjen do të vendosë më pas nëse do ta çojë atë në gjykatë apo do të kërkojë të dhëna shtesë. Vrasja e Jan Kuçiak në shkurt të 2018-s, pasi kishte zbuluar aferat korruptive të qeverisë shkaktoi protesta masive në vend, të cilat detyruan kryeministrin e atëhershëm Robert Fiko të jepte dorëheqjen. Ai u zëvendësua nga i zgjedhuri i tij Peter Pelegrini dhe sërish partia e tij SMER mbetet më popullorja në sondazhe. Subjekt i investigimeve të Kuçiak ishte në veçanti biznesmeni sllovak Marian Koçner, një nga 5 personat që është në pritje të gjyqit dhe i njohur për lidhje me politikanë të partive të ndryshme. Katër nga të akuzuarit, përfshirë Koçner, janë vetëdeklaruar të pafajshëm, ndërsa i pesti ka pranuar se ka qëlluar gazetarin dhe të fejuarën dhe ka bashkëpunuar me drejtësinë. /ABC News Albania 24/7

 

 

Cakaj-ne-Bratislave.jpeg
ad min18:51 | 09/05/2019

Ministri në Detyrë për Evropën dhe Punët e Jashtme, Gent Cakaj, zhvilloi një vizitë zyrtare në Bratislavë, ku u prit nga Ministri i Punëve të Jashtme dhe Evropiane të Republikës Sllovake, Miroslav Lajčák. Kjo ishte vizita e parë zyrtare në nivel Ministri e realizuar në Sllovaki prej mëse dy dekadash. Mësohet se takimi i zhvilluar pati në fokus marrëdhëniet dypalëshe, integrimin në BE, bashkëpunimin në kuadër të OSBE-së dhe bashkëpunimin rajonal.

Zyra e shtypit të ministrit ka njoftuar se gjatë takimit u vlerësuan marrëdhëniet miqësore mes dy vendeve, sikurse u konstatua se ka ende mundësi të pa eksploruara për të fuqizuar bashkëpunimin ekonomik përmes miratimit të kuadrit ligjor dhe organizimit të takimit të parë të komisionit të përbashkët ekonomik me qëllim evidentimin e fushave me interes të përbashkët, si infrastruktura, energjia, hekurudhat, bujqësia dhe menaxhimi i ujërave.

Ndërkohë, të dy ministrat ranë dakord gjithashtu se nevojitet një bashkëpunim më i ngushtë edhe në nivel rajonal duke u përqendruar veçanërisht tek shfrytëzimi i kapaciteteve të bashkëpunimit në kuadër të grupit të Vishegradit, të cilin Sllovakia e drejton, përmes mekanizmave të fondit ndërkombëtar të Vishegradit dhe fondit të Ballkanit Perëndimor.

Ne kuadër te OSBE-së, të dy ministrat, si pjesë e trojkës së kryesisë së OSBE-së, shkëmbyen mendime mbi organizatën, ku Ministri në Detyrë Cakaj, e njohu kryetarin aktual të OSBE-së, me përgatitjet nga ana e Shqipërisë për kryesimin e organizatës në 2020 dhe drejtimin e Grupit të Kontaktit të Mesdheut.

Ministri në Detyrë Cakaj rikonfirmoi angazhimin e qeverisë shqiptare për të kontribuar në vijimësinë e realizimit të objektivave kryesore të organizatës në vitin 2020, për të cilën mori edhe gatishmërinë e Ministrit Lajčák në ofrimin eksperiencës dhe ekspertizës sllovake si kryesuese aktuale e OSBE-së.

Për sa i përket procesit të integrimit evropian, Ministri Lajčák ushpreh se Sllovakia mbetet avokate e fortë e procesit të zgjerimit dhe integrimit të Shqipërisë në BE, duke e konsideruar Ballkanin Perëndimor të rëndësishëm për sa i përket adresimit të disa prej sfidave me të cilat përballet sot BE-ja.

Ministri në Detyrë Cakaj, e njohu homologun me progresin e Shqipërisë në procesin e reformave dhe 5 prioriteteve kyçe, dhe pritshmërinë për një vendim pozitiv në muajin Qershor. Ministrat ndanë mendimin për impaktin që ka vijueshmëria e procesit të zgjerimit në procesin e reformave dhe forcimin e kredibilitetit të vetë procesit të zgjerimit tek vendet aspirante.

Gjatë qëndrimit të tij në Bratisllavë, Ministri në Detyrë Cakaj u prit gjithashtu edhe nga Nënkryetari i Parlamentit sllovak Bela Bugar, si dhe zhvilloi një takim pune me anëtarët e dy komiteteve parlamentare për politikën e jashtme dhe çështjeve evropiane të drejtuar nga Katarina Cefalyova. Në takime u nënvizua vullneti i parlamentarëve sllovakë që Komisioni të hapë pa vonesa negociatat me Shqipërinë./abcnews.al

sllovaki-himni-1280x674.jpg
ent ela13:55 | 07/05/2019

Në Sllovaki është miratuar ligji i cili ndalon këndimin e një himni të huaj në territorin e vendit. Vendimi ka shkaktuar reagimin e ashpër të minoritetit hungarez në vend i cili është më i madhi në vend.

Me qindra hungarezë kanë protestuar duke kënduar himnin e tyre kombëtar, para parlamentit sllovak në Bratisllavë për të kundërshtuar një ligj të ri që u miratua një muaj më parë.

Ligji ndalon këndimin e një himni kombëtar të një vendi të huaj në territorin sllovak, vetëm në rast kur ndodhet një delegacion zyrtar i atij vendi.

Ligji u miratua dhe falë votave të Most-Hid, grupim politik i krijuar për të mbrojtur interesat e minoritetit hungarez në Sllovaki, por nuk ka hyrë ende në fuqi si pasojë e vendimit të presidentit Andrej Kiska për të ridërguar në parlament.

Një nga organizatorët e manifestimit u shpreh se ligji do të miratohej me një amendament të vogël, por gjithësesi nuk do të thotë se është një ligj i drejtë.

Cështja ka prekur sidomos tifozët e ekipit Dunajská Streda, të cilët nisin çdo ndeshje duke kënduar këngë të ndryshme hungareze.

Skuadra sllovake e futbollit ka një mbështetje të madhe nga ana e komunitetit hungarez, i cili sipas të dhënave të fundit është minoriteti etnik më i madh në vend: janë pothuajse 500 mijë hungarezët që jetojnë në Sllovaki. /ABC News Albania 24/7

jan-kuciak.jpg
ad min23:59 | 12/04/2019

Një ish-pjesëtar i forcave të armatosura në Sllovaki ka pranuar vrasjen e gazetarit investigativ Jan Kuçiak dhe të fejuarës së tij vitin e kaluar. Miroslav Marçek dhe tre persona të tjerë, të gjithë të ndaluar, janë akuzuar për vrasjet që shkaktuan protesta masive në Sllovaki dhe një ndërrim të figurave kyçe të pushtetit.

Dy të rinjtë u ekzekutuan në Shkurt të vitit të kaluar në shtëpinë e tyre në një fshat rreth 65 kilometra në lindje të kryeqytetit Bratisllavë. Prokurorët kanë akuzuar biznesmenin sllovak Marian Koçner se ka urdhëruar vrasjen e gazetarit, që po hetonte lidhjet mes një grupi afaristësh dhe politikanësh sllovakë me mafian italiane.

Mediat lokale raportojnë se Marçek e ka pranuar vrasjen e dyfishtë dhe se ka qenë drejtues i grupit me të dyshuarit e tjerë./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono