Loading ...
Kryeministri britanik, Andy Burnham dhe presidenti amerikan, Donald Trump, kanë zhvilluar një bisedë telefonike për zhvillimet e fundit në Lindjen e Mesme, si dhe për luftën në Ukrainë.
Gjatë bisedës, njoftoi zyra e kryeministrit britanik, Burnham e uroi Trumpin për të dhënat e fundit të punësimit në SHBA dhe theksoi shenjat pozitive të rritjes edhe në ekonominë e Mbretwrisw sw Bashkuar.
“Kryeministri tha se qeveria po krijon më shumë optimizëm për Mbretërinë e Madhe dhe se po shënon përparim, por se mbetet ende shumë për t’u bërë”, thuhet më tej.
Sa i përket Ukrainës, dy udhëheqësit ranë dakord për nevojën e vazhdimit të përpjekjeve drejt një armëpushimi që do të parandalonte humbje të tjera jetësh.
Burnham përsëriti gjithashtu mbështetjen e Mbretwrisë së Bashkuar për Ukrainën dhe për negociatat e fundit të paqes të udhëhequra nga SHBA-ja.
Duke iu kthyer Lindjes së Mesme, Burnham theksoi angazhimin e vendit të tij për të punuar drejt paqes dhe sigurisë në rajon.
Sipas zyrës së kryeministrit britanik, Burnham gjithashtu theksoi rëndësinë e një zgjidhjeje me dy shtete për palestinezët dhe izraelitët, rihapjes së Ngushticës së Hormuzit dhe “garantimit që Irani të mos sigurojë kurrë armë bërthamore”.
