Përmbytjet në Durrës të ndodhur javën e kaluar kanë shkaktuar dëme të shumta. Deri më tani, 440 banesa janë të verifikuara me prezencë uji në ambientet e brendshme. Si pasojë janë shkaktuar dëme të konsiderueshme.
Ndërsa në ditët në vijim grupi i ngritur i punës do të bëjë edhe bilancin financiar. Prefekti i Durrësit, Emiljan Jani ka thënë për “ABC News” se në terren janë rreth 20 grupe pune. Përkatësisht theksohet se janë banesat private që do të përfitojnë nga dëmshpërblimet.
Grupet e emergjencave civile kanë evidentuar edhe shkakun e këtyre përmbytjeve, në përmasa të tilla kishte vite që nuk kishte ndodhur.
Është nënvizuar se një ndër faktorët kryesor i kësaj situate kanë qenë bllokimi nga mbeturinat i kanaleve të ujërave të larta, për shkak të papërgjegjshmërisë së banorëve.
/abcnews.al/
