Numri i vdekjeve nga epidemia e koronavirusit në Kinë ka arritur shifra të frikshme. Deri më tani raportohet për 1.600 viktima. Organizata Botërore e Shëndetit (OBSH) vlerësoi përpjekjet e vendit për të përmirësuar sëmundjen e re, duke thënë se ata kanë “blerë kohën e botës” dhe se kombet e tjera duhet të shfrytëzojnë sa më shumë .
Ndërkohë Franca raportoi vdekjen e parë në Evropë nga infeksioni, i njohur si COVID-19, ku humbi jetën një turist kinez nga provinca Hubei.
Tedros Adhanom Ghebreyesus, drejtori i përgjithshëm i OBSH-së, u bëri thirrje qeverive të rrisin përpjekjet e tyre për t’u përgatitur për virusin, duke thënë “është e pamundur të parashikoni se cilën drejtim do të marrë kjo epidemi”.
Agjensia është “e shqetësuar nga rritja e vazhdueshme e numrit të rasteve në Kinë”, dhe nga raportet për numrin e punonjësve shëndetësorë që janë infektuar ose kanë vdekur, tha Tedros, duke kritikuar atë që ai e quante “mungesë urgjence në financimin e përgjigjes nga bashkësia ndërkombëtare.”
