Përfundon takimi i “Venecias” me kreun e PD, Basha: Ky nuk është shtet ligjor, opozita hapa të tjerë

schedule09:29 - 14 Shkurt, 2020

schedule 09:29 - 14 Shkurt, 2020

Ka përfunduar takimi mes Kryetarit të Partisë Demokratike Lulzim Basha dhe delegacionit të Komisionit të Venecias në selinë blu.

Në përfundim të takimit kreu i PD Lulzim Basha pati edhe një prononcim për mediat. Basha tha se takimi me delegacionin e Komisionit të Venecias ishte tepër i frytshëm.

Juxhin Mustafaraj për ABC News: Z. Basha, si shkoi takimi me Delegacionin e Venecias?

“Takimi me komisionin ishte shumë i frytshëm. Vendi është në krizë të thellë, ilustrimi  më i mirë janë lëvizjet e çoroditura të një pushteti që nuk pret për opinionin e Venecias, por forcon kapjen e shtetit, drejtësisë, Kushtetutës.

Oligarkët bashkë me qeverinë kanë kapur zgjedhjet, kjo nuk është demokraci, ky nuk është shteti ligjor. Qeveria do të mbrojë krimet e veta. Qeveria ka kapur gjithçka.

Një qeveri që ka dalë nga dosjet 184 është peng i oligarkëve.  Zgjidhja që ne kërkojmë nuk e kërkojmë për veten tonë, ne sakrifikuam gjithçka për shqiptarët. 

Nëse pala tjetër do të vendosë para shqiptarëve,  interesat e pushtetit të vet, opozita bashkë me qytetarët do të marrë pozitat në dorë për t’u përballur me këtë grusht pushtetarësh”, tha Basha.

Çështja e emërimeve në Gjykatën Kushtetuese ka qenë në qendër të takimit që ka zhvilluar Delegacioni i Venecias me përfaqësuesit e opozitës jashtëparlamentare./abcnews.al