Përfshihet nga flakët një sipërfaqe toke në Krujë, zjarrfikësit ndërhyjnë për të shuar zjarrin

Një zjarr me përmasa të mëdha ka përfshirë një sipërfaqe toke bujqësore në fshatin Gramzë të Krujës.

Në vendin e ngjarjes kanë mbërritur forca të shërbimit zjarrfikës të Krujës.

Siç shihet edhe nga pamjet e siguruara nga gazetari i ABCNews Ahmet Zani zona është e mbuluar nga një re e madhe tymi, ndërsa zjarrfikësit po punojnë për shuarjen e flakëve.

Fatmirësisht pranë vatrave të zjarrit nuk ndodhen banesa, ndërsa dyshohet se zjarri është vënë për të djegur mbetjet në parcelat bujqësore. /abcnews.al/