Policia njoftoi se gjatë orëve të para të ditës së sotme ka rënë zjarr në një lokal në zonën e Lungomares në Vlorë.
Mësohet se lokali është në pronësi të A. Kapllanit, bashkëshortit të deputetes së opozitës së re Enada Kapllani.
Lokalit i është vendosur zjarri në pjesën e përparme dhe si pasojë është djegur banaku i jashtëm së bashku me tavolinat dhe karriget.
Dyshohet se zjarrëvënia ka qenë e qëllimshme. Në lokal është hedhur fillimisht lëndë djegëse dhe më pas i është vënë flaka.
“Në orët e para të mëngjesit, të sotëm, në zonën e lungomares ka rënë zjarr në një lokal “Bar-Kafe” pranë “Rirës” në pronësi të shtetasit A.K.Si pasojë është dëmtuar pjesërisht banaku në verandën e lokalit” njoftoi policia.
Informacion/ Vlorë
Në orët e para të mëngjesit, të sotëm, në zonën e lungomares ka rënë zjarr në një lokal “Bar-Kafe” pranë “Rirës” në pronësi të shtetasit A.K.
Si pasojë është dëmtuar pjesërisht banaku në verandën e lokalit.
Policia vazhdon hetimet për sqarimin e rrethanave të ngjarjes./abcnews.al
